Keshe Astanadaǵy Ulttyq akademııalyq kitaphana ǵımaratynda Parlament Májilisiniń depýtaty, Aýǵan soǵysy ardagerleri uıymdarynyń «Qazaqstan ardagerleri» qaýymdastyǵynyń tóraǵasy Baqytbek Smaǵuldyń Qazaq handyǵynyń 550 jyldyǵyna, Uly Jeńistiń 70 jyldyǵyna baılanysty «Otan úshin qanyńdy tókseń de, aryńdy tókpe» atty taqyryppen jańa kitaptarynyń tusaýkeseri ótti.
Osy oraıda, Qazaqstan halqy arasynan shyqqan eren erlerdi elmen etene qaýyshtyrýǵa baǵyttalǵan «Qaharman», «Qazaqtyń qara maıory» (oryssha «Korol Pandjshera»), «Oq pen Otan» kitaptary qalyń oqyrmanǵa jol tartty. Sharaǵa Parlament depýtattary, memleket jáne qoǵam qaıratkerleri, aqyn-jazýshylar men jastar qatysty. Onda Q.Sultanov, K.Serikbaev, Á.Tarazı, B.Ertaev, О́.Ozǵanbaev sııaqty aǵa urpaq ókilderi sóz alyp, kitap avtoryna degen ózderiniń júrekjardy tilekteri men paıymdy pikirlerin bildirdi.
«Qaharman» atty kitap Uly Otan soǵysynyń aty ańyzǵa aınalǵan batyry, erliktiń tolassyz qaınary, óshpes ónegesi, tozbaıtyn asyly Baýyrjan Momyshulynyń urpaqqa qaldyryp ketken taýsylmas mırasyna, sarqylmas murasyna arnalǵan. Jurtshylyqtyń suraýymen, Uly Jeńistiń 70 jyldyǵy qarsańynda jańa turǵydan jazylyp, qaıta basylyp shyqqan bul kitap qarýy men qalamyn qatar ustaǵan qaıtalanbas, batyr tulǵanyń erlik jolyn jas urpaqtyń sanasyna sińirip, olardy oıy ozyq, rýhy berik etip tárbıeleýge shaqyrady.
Sonymen qosa, avtordyń «Qazaqtyń qara maıory» jáne «Korol Pandjshera» kitaby Aýǵan soǵysyndaǵy kúrdeli tulǵa Borıs Kerimbaevtyń eren erligi men eńseli eńbeginen syr shertedi. Kitap ıesi onyń batyr da batyl beınesin oqyrmanǵa asha otyryp, otanshyl asqaq rýh, memleketshil bıik sana týraly óz paıymdaryn ortaǵa salady. Al, «Oq pen Otan» kitaby elimizdiń ótken tarıhyna tereń boılaý arqyly búgingi jáne keleshektegi kemel ómirdiń jaıyn oılaýǵa, «Máńgilik El» jolynda ulttyq qundylyqtardy ardaqtaýǵa, yntymaq, birlik, kelisimdi saqtaýǵa úndeıdi. О́mirden túıgen paıymdaryn el birligi men tirligine ulastyra órilgen jyr monshaqtary kim-kimdi bolsa da, beıjaı qaldyrmasy anyq.
Áskerı taqyrypta qalam tartyp júrgen qoǵam qaıratkeri Baqytbek Smaǵuldy tek Aýǵan soǵysynyń ardageri dep qana qaramaı, batyl oıdyń ıesi, qajet kezinde jalyndatyp, jandyryp, shegelep, sheshen sóıleı biletin sheshen, daryndy qalamger dep tanýymyz kerek. Jaýynger otandasymyzdyń qandaı eńbegin oqysańyz da onda patrıottyq rýh, eldik pen erlikti murat etedi.
Raýshan TÁÝIRHANQYZY,
jýrnalıst.
ASTANA.
Osy oraıda, Qazaqstan halqy arasynan shyqqan eren erlerdi elmen etene qaýyshtyrýǵa baǵyttalǵan «Qaharman», «Qazaqtyń qara maıory» (oryssha «Korol Pandjshera»), «Oq pen Otan» kitaptary qalyń oqyrmanǵa jol tartty. Sharaǵa Parlament depýtattary, memleket jáne qoǵam qaıratkerleri, aqyn-jazýshylar men jastar qatysty. Onda Q.Sultanov, K.Serikbaev, Á.Tarazı, B.Ertaev, О́.Ozǵanbaev sııaqty aǵa urpaq ókilderi sóz alyp, kitap avtoryna degen ózderiniń júrekjardy tilekteri men paıymdy pikirlerin bildirdi.
«Qaharman» atty kitap Uly Otan soǵysynyń aty ańyzǵa aınalǵan batyry, erliktiń tolassyz qaınary, óshpes ónegesi, tozbaıtyn asyly Baýyrjan Momyshulynyń urpaqqa qaldyryp ketken taýsylmas mırasyna, sarqylmas murasyna arnalǵan. Jurtshylyqtyń suraýymen, Uly Jeńistiń 70 jyldyǵy qarsańynda jańa turǵydan jazylyp, qaıta basylyp shyqqan bul kitap qarýy men qalamyn qatar ustaǵan qaıtalanbas, batyr tulǵanyń erlik jolyn jas urpaqtyń sanasyna sińirip, olardy oıy ozyq, rýhy berik etip tárbıeleýge shaqyrady.
Sonymen qosa, avtordyń «Qazaqtyń qara maıory» jáne «Korol Pandjshera» kitaby Aýǵan soǵysyndaǵy kúrdeli tulǵa Borıs Kerimbaevtyń eren erligi men eńseli eńbeginen syr shertedi. Kitap ıesi onyń batyr da batyl beınesin oqyrmanǵa asha otyryp, otanshyl asqaq rýh, memleketshil bıik sana týraly óz paıymdaryn ortaǵa salady. Al, «Oq pen Otan» kitaby elimizdiń ótken tarıhyna tereń boılaý arqyly búgingi jáne keleshektegi kemel ómirdiń jaıyn oılaýǵa, «Máńgilik El» jolynda ulttyq qundylyqtardy ardaqtaýǵa, yntymaq, birlik, kelisimdi saqtaýǵa úndeıdi. О́mirden túıgen paıymdaryn el birligi men tirligine ulastyra órilgen jyr monshaqtary kim-kimdi bolsa da, beıjaı qaldyrmasy anyq.
Áskerı taqyrypta qalam tartyp júrgen qoǵam qaıratkeri Baqytbek Smaǵuldy tek Aýǵan soǵysynyń ardageri dep qana qaramaı, batyl oıdyń ıesi, qajet kezinde jalyndatyp, jandyryp, shegelep, sheshen sóıleı biletin sheshen, daryndy qalamger dep tanýymyz kerek. Jaýynger otandasymyzdyń qandaı eńbegin oqysańyz da onda patrıottyq rýh, eldik pen erlikti murat etedi.
Raýshan TÁÝIRHANQYZY,
jýrnalıst.
ASTANA.
