Qazaqstan premer-lıgasy. «Aqtóbe» «Astanany» qýyp jetti

ASTANA. 23 tamyz. Búgin fýtboldan Qazaqstan premer-lıgasynyń 24-týry sheńberinde tórt oıyn oınaldy. Bul týraly egemen.kz habarlady. Ortalyq kezdesý Aqtóbede jergilikti «Aqtóbe» men Shymkenttiń «Ordabasy» komandalary arasynda ótti. Eki klýbtyń birinshi altylyq sapynda júldege talasyp jatqany belgili. Sondyqtan match asa tartysty boldy. Ásirese, alań ıeleri jeńis úshin qoldan kelgenniń bárin jasady. Nátıjesinde 1:0 esebimen basym túsip, kezekti úsh upaıdy qorjynǵa saldy. Oıyndaǵy jalǵyz goldy 52-mınýtta Chıprııan Dıak penaltıden soqty. Bul komanda qataryna jaqynda ǵana qosylǵan rýmynnyń Qazaqstan premer-lıgasyndaǵy alǵashqy goly ekenin aıta keteıik. Birinshi altylyqtaǵy «Qaırat» pen «Ertis» arasynda oıyn erteń oınalady. Al «Astana» – «Atyraý» matchy keıinge qaldyryldy. Bul ózgerister «Qaırat» pen «Astananyń» eýrokýboktyq týrnırlerge qatysýyna baılanysty bolyp otyr. «Oqjetpes» (Kókshetaý) – «Qaısar» (Qyzylorda) 2:1 (1:1) Goldar: Dmıtrıı Sychev 22, Lýka Rotkovıch 82 – Jasulan Moldaqaraev 15. «Jetisý» (Taldyqorǵan) – «Taraz» (Taraz) 1:0 (0:0) Gol: Dýshan Savıch 67. «Tobyl» (Qostanaı) – «Shahter» (Qaraǵandy) 2:1 (0:1). Goldar: Tomash Shımkovıch 47, 63 – Plamen Dımov 23. «Aqtóbe» (Aqtóbe) – «Ordabasy» (Shymkent) 1:0 (0:0) Gol: Chıprııan Dıak 52, penaltı. 23 tamyzdaǵy oıyndardyń nátıjesi boıynsha týrnır kestesi   Úzdik mergender:

1. Jerar Goý («Qaırat») – 18 gol;
2. Lýka Rotkovıch («Oqjetpes») – 11 gol;
3. Dýshan Savıch («Jetisý») – 9 gol.

Elaman Qońyr. Derek: egemen.kz. Sýret: shahter.kz.