• 19 Mamyr, 2015

Jas jasampazdar jarysy

333 ret

kórsetildi

1 mın

oqý úshin

Egemen Qazaqstan

Memleket basshysy Nursultan Nazarbaevtyń «Qazaqstan joly – 2050: bir maqsat, bir múdde, bir bolashaq» Joldaýyn júzege asyrý jolynda jas urpaqty qalyptastyrý jáne EKSPO-2017 kórmesi aıasynda «KATEV» Halyqaralyq qoǵamdyq qory biraz ıgilikti ister atqaryp keledi. Sonyń biri, Bilim jáne ǵylym mınıstrliginiń qoldaýymen Astanadaǵy «Nur Orda» mektep-lıseıinde II respýblıkalyq «Jas jasampazdar jobasy» taıaýda márege jetip, júzden júırikter top jardy.

Bul jas jasampazdar jarysy bes baǵyt, ıaǵnı balamaly energııa kózderi, áleýmettik qoǵamdyq máseleler, jaratylystaný, gýmanıtarlyq pánder, robottehnıka boıynsha ótip, oǵan 100-den astam joba kelip túsken. Qazylar alqasy ol jobalardy jan-jaqty saralaı kelip, joǵary synyp oqýshylary men kolledj stýdentterin, olardyń jetekshilerin I, II, III dárejeli dıplomdarmen marapattap, Gran-prı ıegerlerine 125 myń, 100 myń, 50 myń teńge kóleminde syılyq tapsyrdy. Máselen, áleýmettik-qoǵamdyq, balamaly energııa kózderinen ǵylymı jumys qorǵaǵandardyń árqaısysy 125 myńnan, al jaratylystaný, gýmanıtarlyq, robottehnıka boıynsha ozyp shyqqandar 100 myń kóleminde qarjyǵa qol jetkizdi. Osyndaı ıgilikti shara jastardyń ynta-yqylasyn oıatatynyn, mundaı úrdis ózge bilim oryndarynda da jalǵasyn tabý kerektigin, sharanyń jabylýy sátinde Bilim jáne ǵylym vıse-mınıstri E.Imanǵalıev atap aıtty. Súleımen MÁMET, «Egemen Qazaqstan».