«Nur Otannyń» XVI sezine Qaraǵandy oblysynan 110 delegat saılandy

QARAǴANDY. 5 naýryz. «Nur Otan» partııasy Qaraǵandy oblystyq fılıalynyń kezekten tys XXII konferensııasy bolyp ótti. Bul týraly oblystyq ákimdiktiń baspasóz qyzmeti habarlady. Konferensııa jumysyna partııa ardagerleri, fılıal basshylary jáne olardyń orynbasarlary, partııalyq baqylaý komıssııasy, «Jas Otan» jastar qanatynyń ókilderi qatysty. Konferensııa ashylýynda «Nur Otan» partııasynyń Qaraǵandy oblysy boıynsha fılıalynyń tóraǵasy Nurmuhambet Ábdibekov kezekten tys ótkizilgeli otyrǵan prezıdent saılaýyn «Qazaqstan - 2050» jáne «Máńgilik El» ıdeıalarynyń júzege asýyn qamtamasyz etýdegi tarıhı múmkindik dep atap kórsetti. «Búginde, Qazaqstan Respýblıkasy ekonomıkasynyń damýyndaǵy jańa kezeńge kóterilgen kezinde, oblystaǵy «nurotandyqtar» partııa tóraǵasy Nursultan Ábishuly Nazarbaevty prezıdent saılaýyna úmitker retinde tolyqtaı qoldap otyr», – dedi aımaq basshysy óz sózinde. Jıyn sońynda oblystyq fılıaldyń birinshi orynbasary Qadısha Ospanova partııanyń XVI sezine delegat bolyp baratyn 110 adamnyń tizimin jasady. Bul tizim konferensııaǵa qatysýshylary tarapynan tolyqtaı qoldaý tapty. Aıqyn Nesipbaı. Derek, sýret: Qaraǵandy oblystyq ákimdiginiń baspasóz qyzmeti.