Qaǵıdattar qaıta qaralýy qajet

Elbasy Nursultan Nazarbaev G-GLOBAL Halyqaralyq hatshylyǵynyń basshysy, Parlament Senatynyń depýtaty Serik Nógerbekovti qabyldady, dep habarlady Prezıdenttiń baspasóz qyzmeti. Kezdesýge, sondaı-aq, Pre­zıdenttiń kómekshisi E.Orynbaev qatysty. Kezdesý barysynda S.Nó­gerbekov G-GLOBAL halyqaralyq jobasyn ilgeriletý jumysynyń barysy týraly baıandady, sondaı-aq, ony ári qaraı júzege asyrý doktrınasyn tanystyrdy. Qazaqstan Prezıdenti G-GLOBAL jobasy aıasyndaǵy ne­gizgi mindet ózekti ekonomıkalyq máselelerdi talqylaý úshin qajetti alań qalyptastyrý, qatysýshylardyń keń aýqymyn tarta otyryp, jahandyq daǵdarys kórinisterine qarsy amaldardy birlese izdeý bolǵanyn atap ótti. Osyǵan baılanysty Nur­sultan Nazarbaev G-GLOBAL kom­mýnıkatıvtik alańyn ilge­ri­letý qaǵıdattaryn qaıta qa­raý qajettigine nazar aýdardy. Kóterilgen máselelerdiń Astana ekonomıkalyq forýmynda talqylanatyn taqyryptarǵa sáıkestigin qarastyra otyryp, ony naqty mamandandyrý máselesin pysyqtaýdy tapsyrdy. S.Nógerbekov ınternet keńis­tikte júzege asyrylyp jatqan G-GLOBAL jobasy elimizdiń negizgi jobalaryn ilgeriletýge septigin tıgizip otyrǵanyn aıtty. Atap aıtqanda, byltyr VII Astana ekonomıkalyq forýmy men Daǵdarysqa qarsy dúnıejúzilik II konferensııany jarııalap-kórsetý jumystary aıasynda 400 onlaın-beınekonferensııa ótkizilip, 15 myńnan astam baıandama ornalastyrylǵan. Kezdesý qorytyndysy boıynsha Memleket basshysy birqatar naqty tapsyrma berdi. Sýretti túsirgender S.BONDARENKO, B.OTARBAEV.