«Túrksoı»-dyń tynysy ashyla tústi

Ál-Farabı atyndaǵy QazUÝ-dyń shyǵystaný fakýltetinde «TÚRKSOI» halyq­ara­lyq uıymynyń qoldaýymen «Almaty – ıslam mádenıetiniń astanasy-2015» baǵdar­lamasy aıasynda TÚRKSOI kafedrasy men ǵylym-bilim jáne mádenı «TÚRKSOI» ortalyǵynyń ashylý saltanaty ótti. Is-shara Qazaqstan halqy Assambleıasynyń  qurylǵanyna 20 jyl tolýyna oraı ótkizilip otyr. Aıtýly oqıǵaǵa «TÚRKSOI» halyqaralyq uıymynyń Bas hatshysy Dúısen Qaseıinov, Qazaqstan Respýblıkasyndaǵy Túrkııa, Ázerbaıjan, О́zbek­stan, Túrikmenstan, Qyrǵyz­stan­nyń elshilikteri men konsýl­dyqtarynyń qyzmetkerleri, Almaty qalasyndaǵy Qazaqstan halqy Assambleıasy janynan qurylǵan túrkitildes etno­mádenı birlestikter, sonymen qatar, QazUÝ-dyń ǵalymdary, oqy­týshylary men stýdent-magıs­tranttary qatysty. Belgilengen merzimde shaqy­rylǵan qonaqtar shyǵystaný fakýltetine jınaldy. Aldymen «TÚRKSOI» kafedrasynyń ashylý saltanatyna jınalǵan qaýym tarıhı lenta qııý rásiminiń kýási boldy, dástúrli shashý shashyldy. Budan keıin ǵylym-bilim jáne mádenı «TÚRKSOI» ortalyǵy da lenta qııýmen ashyldy. Jınalǵan qaýym úlken zaldy lyq toltyrdy. Alǵash sóz alǵan ál-Farabı atyndaǵy QazUÝ-dyń rektory, akademık Ǵalymqaıyr Mutanov úlken jıyndy ashyp, qatysýshylardy quttyqtady. Kelesi sóz kezeginde Bas hatshy Dúısen Qaseıinov: «Bul ashylǵan kafedra Qazaqstan men túrki elderi arasyndaǵy taǵy bir kópir bolmaq, onyń qyzmeti túrki halyqtarynyń tilderin, mádenı ıntegrasııa máselelerin, áleýmettik-ekonomıkalyq jáne saıa­sı prosesterin zertteý orta­lyǵy bolatyny sózsiz», dedi. Son­daı-aq Almaty qalasynda túrik máde­nıe­tiniń halyqaralyq uıymy («TÚRKSOI») 1993 jyldyń 12 shildesinde túrkitildes elderdiń basshylyǵymen qurylǵanyn, sońǵy eki jylda baýyrlas túrki halyqtary mádenıetiniń damýy, yqpaldasýy, tanytylýy jáne álemdik arenada nasıhattalýy baǵytynda birneshe kólemdi sharalardy iske asyrǵany týraly aıtty. Túrkııa elshiliginen kelgen Sýphı Atan, Ázerbaıjan elshiliginen Rýstamov Nızamı Isahogly, taǵy da basqa elshilikten kelgen ­jaý­apty tulǵalar aıtýly oqıǵaǵa úlken baǵa berip, shyn júrekten quttyqtady. Ál-Farabı atyndaǵy QazUÝ-dyń rektory, akademık Ǵa­lym­qaıyr Mutanov Dúısen Qora­baıulynyń uıymǵa basshylyq etken úsh jylǵa jýyq ýaqyt ishinde kóp sharýalar atqarǵanyn, uıymnyń bedelin kótergenin, ony túrki birligin nyǵaıtatyn iri qurylymǵa aınaldyra alǵanyn aıta kelip, osy qyzmeti úshin Ulttyq ýnıversıtettiń «Altyn medalimen» marapattady. TÚRKSOI-dyń Bas hatshysy Dúısen Qaseıinov QazUÝ-dyń rektory, akademık Ǵalymqaıyr Mutanovty «Túrksoı» medalimen marapattady. «Túrksoıdyń» halyq­ara­lyq baspasóz syılyǵymen «Ege­men Qazaqstan» respýblıkalyq gazeti» aksıonerlik qoǵamynyń prezıdenti Saýytbek Abdrah­manov jáne «Almaty aqshamy» gazetiniń dırektory-bas redaktory Qalı Sársenbaı marapattaldy. «Egemen Qazaqstan» basylymynyń Almaty bólim­shesiniń jetekshisi Qorǵanbek Amanjol, ýnıversıtet profes­sorlary О́tegen Kúmisbaev, О́mirhan Ábdımanuly «Toqtaǵul» medalin omyraýlaryna taqty. Sharafaddın ÁMIROV, «Egemen Qazaqstan». ALMATY.