Janarmaı beketindegi qyzyqty jaǵdaı (vıdeo)

ASTANA. 1 sáýir. Ǵalamtorda taǵy bir qyzyqty beınerolık jarııalandy. Onda elimizdegi janarmaı quıý beketteriniń birinde bolǵan jaıt túsirilgen. Áıtse de oqıǵanyń qaı qalada bolǵany aıtylmaǵan. Bul týraly newstop.kz habarlady. Kezekti kólikke janarmaı quıyp turǵan beket qyzmetkeri kenet kóńil kótergisi keledi. Sóıtip, jan-jaǵyna bir qarap alyp, arnaıy shlangiden sekirmek bolady. Nátıjesinde, aıaǵy ilinip jerge omaqasyp qulaıdy. Abyroı bolǵanda, eshqandaı qaýipti jaıt oryn alǵan joq. Dereý ornynan turǵan ol bárin qaıta qalpyna keltirdi. Sol sátte kómekke áriptesi de kelip úlgerdi. Ǵalamtor paıdalanýshylar arasynda qyzý talqyǵa túsken rolık jóninde ártúrli pikirler aıtylýda. Keıbiri janarmaı beketterine jumysqa qabyldaý kezinde dál osyndaı áreketterge qatysty arnaıy sóılesý kerektigin aıtqan. Sebebi, qansha ezýge kúlki úıiretin jaǵdaı bolǵanymen, bul adam ómirine asa qaýipti. «Sondyqtan janarmaı saqtalatyn jerde óte abaı bolǵan abzal», deıdi pikir bildirýshiler. Elaman Qońyr. Derek, sýret: newstop.kz.