Serpin berdi

Memleket basshysy Nursultan Nazarbaev Ult josparynyń ındýstrııalandyrý jáne ekonomıkalyq ósimdi arttyrýǵa baǵyttalǵan 77 qadamynda alty negizgi sala boıynsha bilikti kadrlar ázirleýdi elimizdiń on aldyńǵy qatarly kolledji men on joǵary oqý ornyna tapsyrdy. Sonyń biri – jańa tehnologııalar kolledji.   Qazaqstan Respýblıkasy Prezıdentiniń kásibı mamandardy daıarlaý tájirıbesin keıinnen elimizdiń basqa da oqý oryndaryna taratýdy mindetteýi asa úlken jaýapkershilik júkteıdi. Elbasy senimi respýblıkadaǵy 800-ge jýyq orta arnaýly oqý oryn­dary­nyń arasynda úzdik ondyqqa engen kollledj ujymyna jańa serpin berdi. Bul tańdaý teginnen tegin emes. О́ıtkeni, Jańa tehnologııalar kolledji oblystyń ǵana emes, tutas memleketimizdi básekege qabi­letti bilikti kásibı mamandarmen qamtýǵa eleýli úles qosyp keledi. Ult josparynyń 79-qadamynda bilim berý júıesinde joǵary synyptar men joǵary oqý oryndarynda aǵylshyn tilinde oqytýǵa kezeń-kezeńimen kóshý mindettelgen. Basty maqsaty – daıarlanatyn mamandardyń básekelestik qabiletin arttyrý jáne bilim berý sektorynyń eskporttyq áleýetin kóterý. Elbasynyń bul tapsyrmasy kolledjde ázirdiń ózinde júzege asýda dep aıtýǵa negiz bar. О́ıtkeni, «Otrar Education» jeke shaǵyn seriktestigimen birlesken joba aıasynda 4 topta 60 stýdent aǵylshyn tilinde tereńdetip bilim alýda. Olarǵa AQSh-tyń joǵary oqý oryndary Kalıfornııa, Sol­tús­tik jáne Ońtústik Karolına ýnı­ver­sıtetteriniń túlekteri dáris oqıdy. Kásibı maman daıarlaý isinde kolledj elimizdiń oqý oryndarymen ǵana emes, sheteldik árip­testerimen de halyqaralyq baılanys ornatqan. Olarmen tájirıbe almasyp, halyqaralyq jobalar aıasynda birge izdenip, birlesip jumys isteıdi. Sonyń biri – Kembrıdj aımaqtyq kolledjimen «2+2» jobasynyń negizinde 7 stýdent Anglııada bilimderin jetildirip qaıtty. Olar brıtandyq baǵdarlamamen oqyp, brıtan kvalıfıkasııasyn ıemdendi. Stýdentterdi praktıkalyq oqytý arnaıy mekemeler men qury­lys nysandarynda júzege asady. Bul baǵytta kolledj ártúrli saladaǵy jekemenshik áleýmettik áriptesterimen birlesip jumystar atqarýda. Kolledj ben mekemeler arasynda birlesip áreket etý jáne strategııalyq áriptestik týraly memorandýmdar túzilgen, eki-úsh jaqty kelisimsharttar bar. Bul óz kezeginde túlekterdi turaqty jumysqa ornalastyrýǵa, óndiriste tájirıbeli ınstrýktorlarmen jumys jasaýǵa, zamanaýı oqý quraldaryna jol ashty. Olardyń qatarynda «О́rleý – Sapa» óndiristik birlestigi, «StroıServıs – TIK», «Al-Dekeı» jeke shaǵyn seriktestikteri men «Elektromontaj» aksıonerlik qoǵamy, taǵy basqalar bar. Injenerlik bilim berýde zamanaýı mamandardy daıarlaý atalǵan kásiporyndardyń kadrlyq qajettilikterin óteýge negizdelgen. Oqý baǵdarlamasy da óndiris oryndarynyń talaptary boıynsha ázirlenedi. Sondyqtan stýdentter óndiristik is-tájirıbelerden ótken kásiporyndarǵa turaqty jumysqa qabyldanady. Osy kúnge deıin orta arnaýly oqý orny 30 myńnan astam maman ázirlegen bolsa, olardyń  95 paıyzy jumysqa ornalasqan. Jalpy mamandardyń kásibı daıyndyǵy men óz kvalıfıkasııasyn ıgerý kórsetkishi – 98 paıyz. Bilim berý qyzmetiniń sapasy ST RK ISO 9001-2009 «EUROASIA MS» jáne halyqaralyq AFNOR fransýz assosıasııasynyń  ISO 9001:2008 talaptaryna saı. Kolledjdiń ónimdilik sapa júıesin engizý tájirıbesi 2010 jyldyń 19 naýryzynda respýblıkalyq oqý oryndary dırektorlarynyń keńesinde qaralyp, tehnıkalyq jáne kásibı bilim berý júıesi boıynsha Bilim jáne ǵylym mınıstrliginiń joǵary baǵasyn alǵan. Sonymen qatar, oblystyq bilim basqarmasynyń uıǵarýymen qurylysshy mamandaryn daıar­laýdyń bir toby Elbasy tap­syrmasyna saı dýaldik oqytý júıe­siniń eksperımenttik alańsha­sy retinde qarastyrylǵan. Memleket basshysy «Qazaq­stan-2050» Strategııasynda qa­lypt­asqan memlekettiń jańa saıası baǵytyn eskere otyryp, Úkimetke 2013 jyldan bastap halyqaralyq úlgidegi kýálikter berý arqyly ınjenerlik bilim berýdi jáne zamanaýı tehnıkalyq mamandyqtar júıesin damytýdy qamtamasyz etýdi tapsyrǵan bolatyn. Elbasy «Kásibı-tehnıkalyq jáne joǵary bilim eń birinshi kezekte ulttyq ekonomıkanyń mamandarǵa degen qazirgi jáne keleshektegi suranysyn barynsha óteýge baǵdar ustaýy kerek. Kóp jaǵynan bul halyqty eńbekpen qamtý máselesin sheship beredi», degen edi. Osy maqsatta kolledj birqatar mamandyqtar boıynsha joǵary tehnıkalyq mektep (JTM) úlgisine kóshýde. JTM qanatqaqty jobasynyń oqý baǵdarlamasyn Bilim jáne ǵylym mınıstrliginiń kelisimimen kolledj ujymy jasap shyqty. Munda bilikti mamandar daıarlaý ádisteri daǵdyly orta arnaýly oqý oryndaryndaǵydan ózgesheleý. Maman óz salasyndaǵy barlyq satydan ótken jaǵdaıda ǵana ınjener dep tanylady. Osylaı teńdestirilgen oqý júıesi úzilissiz júzege asady. Jańa tehnologııalar kolledji Úkimetiniń 2011 jylǵy 7 maýsymdaǵy №777 qaýlysymen qurylǵan «Kásipqor» holdınginiń talaptaryna saı jumys isteıdi. 2015 jyldyń 27 mamyrynda holdıng pen kolledj arasynda elimizdiń eńbek naryǵyna qajetti básekelestikke qabiletti joǵary synypty kásibı tehnıka mamandaryn birlesip daıarlaý týraly kelisimshartqa qol qoıyldy. Nátıjesinde arnaýly oqý orny «Úıler men ǵımarattardy salý jáne paıdalaný», «Elektrondy esepteý tehnıkasy jáne baǵdar­lamalyq qamsyzdandyrý» mamandaryn daıarlaý isinde elimizdiń eksperımenttik oqý baǵdarlamasyn engizý bazasyna aınalmaq. Iаǵnı, aldyńǵy qatarly Qurylys jáne kommýnaldyq qamsyzdandyrý mektebi, Informasııa jáne kommýnıkasııa mektebi, Energetıka mektebi atanýǵa tolyq negiz bar. Budan bólek «Kásipqor» hol­dıngimen birlesip strategııalyq seriktestik baǵytynda kolledj­ishilik esperımenttik oqý baǵdar­lamalary men oqý ornynyń 5 jyldyq damý jospary jasaldy. Kolledjde joǵary kvalıkasııaly kadrlar jumys isteıdi. Olardy qatarynda bir ǵylym doktory, 6 ǵylym kandıdaty, 37 magıstr oqytýshylyqpen aınalyssa, ujymnyń 52%-y joǵary sanatty jáne birinshi dárejeli aǵartý isiniń mamandary. «Kásipqor» holdıngimen birlese áreket etý­diń nátıjesinde kolledj oqytý­shylary kásibı-tehnıkalyq jáne joǵary bilim berý júıesine saı oqý baǵdarlamalarynyń jańa prın­sıpteri men ádistemeleri boıynsha biliktilik kýrstarynan ótken. Kolledjdiń 2 oqý ǵımaraty, 70 oqý kabıneti men laboratorııalary,  oqý sheberhanalary, 2 konferensııa zaly, jergilikti toraptyq telestýdııasy, baspahanasy, 500 oryndy akt zaly, 260 sharshy metrlik kitaphanasy, 150 adamdyq ashanasy, 170 oryndy jataqhanasy, medısınalyq jáne psıhologııalyq qyzmet kabınetteri bar. 20 kompıýter, 6 lıngofon kabınetterinde 600 kompıýter (4 stýdentke 1 kompıýter) sekýndyna 10 mbaıttyq 2 megalaın júıesi boıynsha ınternetke qosylǵan. Testileý jáne baqylaý ortalyǵynyń barlyq kabınetteri men laboratorııalary zamanaýı oqý quraldarymen jabdyqtalǵan. 10 tasymaldy beıneproektor, 85 teledıdar, qoldanbaly baǵdarlamaly 28 ınteraktıvtik taqta, t.b. Bir mezette 120 adamdy qamtı alatyn oqý zaly bar kitaphananyń kitap qory 160 myńdy quraıdy, onyń 160-sy elektrondy nusqada izdenýshiler suranysyn óteıdi. Sonymen qatar, munda bıznes-ınkýbator, ǵylymı ádistemelik jáne monıtorıng ortalyqtary jumys isteıdi. Sporttyq keshen quramyna 2 sport zaly bar desek, oǵan kúres zaly, 2 fýtbol alańy kiredi. Qoryta aıtqanda, elimizdiń aldyńǵy qatarly on kolledjiniń biri – Joǵary tehnıkalyq mektep Elbasynyń 100 naqty qadam Ult josparyn júzege asyrýǵa atsalysýǵa daıyn deýge bolady. Qanatbek DOSALIEV, jańa tehnologııalar kolledjiniń dırektory.