Kórshilestik kókjıegin keńeıtken kórme

Oblys ortalyǵyndaǵy «Qonys» sport saraıynda «Eýropa-Azııa. She­karasyz yntymaqtastyq» XIV Qazaqstan-Reseı halyqaralyq kórmesi ótki­zildi. О́nerkásiptik yntymaqtastyq kór­mesin uıymdastyrýshylar Aqtóbe obly­synyń ákimdigi, Orynbor obly­sy­nyń úkimeti, Orynbor qalasynyń ákim­shiligi, Aqtóbe oblysynyń kásipkerler palatasy, «Orynbor oblysynyń saý­da-ónerkásip palatasy» odaǵy, «Aq­tóbe oblysynyń kásipkerler men jumys berýshiler odaǵy» QB, «Ýral­Ekspo» JQB bolyp tabylady. Kór­meni uıymdastyrýdaǵy maqsat – Re­seı Federasııasy men Qazaqstan Res­pýb­lıkasy óńirleri arasyndaǵy ekono­mıkalyq, ǵylymı-tehnıkalyq, qoǵam­dyq yntymaqtastyqty damytý, kór­shiles óńirler arasyndaǵy qatynas­tardy nyǵaıtý, birlesken bıznes joba­lardy, saýda-ekonomıkalyq jáne ınves­tısııalyq qatynastardy damytý, Keden odaǵy men Birtutas ekonomıkalyq keńis­tik sharttaryndaǵy shekarasyz yn­ty­maqtastyqtyń sheshilmegen másele­lerin baqylaý. Kórmege Reseıdiń, Qazaqstannyń, Pol­shanyń 180-nen astam kásiporyndary men bıznes ókilderi qatysty. Kórmege Qazaqstan jaǵynan tek qana Aqtóbe oblysynyń emes, basqa oblystardyń da kompanııalary óz ónimderi men qyzmetterin usyndy. Mysaly, Almaty, Ońtústik Qazaqstan oblystarynyń, Astana men Almaty qalalarynyń kásiporyndary keldi. Reseı jaǵynyń da bul kórmege qatysý geografııasy jyldan-jylǵa keńeıip keledi. Orynbor oblysymen qatar, Máskeýdiń, Chelıabi jáne Samara qalalarynyń kompanııalary óz ónimderin tanystyrdy. Qazaqstan men Reseı óńirleri arasyndaǵy ekonomıkalyq, ǵylymı-tehnıkalyq, qoǵamdyq yntymaqtastyqty damytýǵa arnalǵan kórme úsh kún boıy jumys istedi. Áriptestik sharasy aıasynda eki eldiń bıznes qaýymdastyqtarynyń ókilderi Keden odaǵy men Birtutas ekonomıkalyq keńistik sheńberindegi shekarasyz yntymaqtastyqtyń sheshilmegen máselelerin de talqylady. Kórmeniń resmı ashylýynda sóz alǵan oblys ákiminiń orynbasary Ǵalı Esqalıev onyń kórshiles óńirlerdiń ekonomıkalyq damýyna serpin beretinine toqtaldy. Sondaı-aq, ózara baılanystyń ilgerileýge iz ashatynyn da aıtyp ótti. Ǵalı Esqalıevtiń aıtýynsha, Aqtóbe oblysynyń ózinde Reseı bıznesiniń qatysýymen qurylǵan 300-ge jýyq kásiporyn jumys isteıdi. Al Orynbor oblysynyń 1-shi vıse-gýbernatory, úkimet tóraǵasynyń 1-shi orynbasary Sergeı Balykın eki memleket arasyndaǵy bul kórmeniń 14-shi márte ótkizilip otyrǵanyn atap ótti. Ol Orynbor oblysy men Aqtóbe oblysy arasyndaǵy saýda aınalymynyń únemi artyp kele jatqanyn, 2014 jyldyń kórsetkishi 1,5 mıllıard AQSh dollary shamasynda bolǵanyn jetkizdi. 2015 jyldyń 1 qańtaryndaǵy jaǵdaı boıynsha, Orynbor oblysynda qazaqstandyq kapıtaldyń qatysýymen qurylǵan 99 kásiporyn jumys isteıdi eken. Kórmege eki memlekettiń mashına jasaý, munaı-gaz ónerkásibi, energııa jáne resýrstardy únemdeý, qurylys ındýs­trııasy, arnaıy tehnıka, avtokólikter, aýyl sharýashylyǵy jáne densaýlyq saqtaý, bilim, týrızm, t.b. salalar boıynsha qyzmet kórsetý baǵyttarynda jumys jasaıtyn kásiporyndary qatysty. – Búgingi kúni eki oblys ara­syn­daǵy kedendik kedergiler aly­nyp tastal­ǵan­dyqtan eksport jáne ım­port opera­sııa­lary týraly statıstıka júr­gizilmeıdi. Alaıda, resmı emes málimet­terge súıene otyryp, bul kórme eki jaq­tyń saýda-eko­nomıkalyq qarym-qaty­nasyna jaq­sy áserin tıgizip otyr dep aıta alamyn, – deıdi «Orynbor obly­sy­nyń saý­da-ónerkásip palatasy» odaǵy­nyń pre­zı­denti Oleg Avdeev. Halyqaralyq kórmeniń alǵashqy kúni Aqtóbe oblysynyń kásipkerler pala­tasy men «Orynbor oblysynyń saýda-ónerkásip palatasy» odaǵy arasynda áriptestik týraly kelisim jasaldy. Aqtóbe qalasy ındýstrııalyq aıma­ǵynyń tanystyrylymy boldy. Aqtóbe qalasyndaǵy ındýstrııalyq aımaqtyń, «Spestehnıka» JShS kompanııasynyń tanystyrý rásimi men Qazaqstan men Reseıdiń saýda jelileri men jab­dyq­taý­shylar ókilderiniń iskerlik kezdesýi ótkizildi. Sondaı-aq, Reseı men Qazaqstan týrıstik operatorlarynyń qarym-qaty­nastaryna qatysty,Orynbor klını­kalarynyń múmkindikteri men eki eldiń maldárigerlik qyzmeti máseleleri boıynsha ótkizilgen dóńgelek ústelderde kóp­tegen kókeıkesti oılar ortaǵa saly­nyp, utyrly usynystar aıtyldy. Sheka­rasyz yntymaqtastyq ónerkásiptik kór­mesi aıasynda kóptegen kásiporyndar ara­­synda ózara baılanysty nyǵaıtýǵa ba­ǵyt­talǵan kelisimsharttarǵa qol qoıyl­dy. Satybaldy SÁÝIRBAI, «Egemen Qazaqstan». Aqtóbe oblysy.