Petropavldaǵy áıelder kolonııasynda jumys oryndary ashyldy

PETROPAVL. 6 naýryz. Petropavldaǵy ES-164/6 áıelder kolonııasynda qosymsha jumys oryndary ashyldy. Bul týraly Soltústik Qazaqstan oblystyq qylmystyq atqarý júıesi departamenti habarlady. Jeke kásipker Evgenıı Shegolev bul mekememen úsh jyldan beri qoıan-qoltyq jumys jasap keledi. Alǵashqy kezde onǵa jýyq sottalýshy ǵana eńbekke tartylsa, ótken jyly olardyń sany 70-ke jetti. Búginde barlyǵy 95 jazasyn óteýshi jumys isteıdi. «Otandyq taýar óndirýshilerdi qoldaýǵa baǵyttalǵan memlekettik baǵdarlamalardyń arqasynda óndiris ornyn keńeıtý múmkindikteri tabylyp, taǵy 20 adam jumyspen qamtylyp otyr», – deıdi Evgenıı Sergeevıch. Kolonııa aýmaǵyndaǵy ǵımaratty jalǵa alyp otyrǵan kásipker shaǵyn jáne orta kásipti damytý maqsatymen monshaǵa qajetti buıymdardy shyǵarady. О́z ónimderin Qostanaı, Aqmola oblystaryna jáne Astana qalasyna satýdy júıeli uıymdastyryp keledi. О́nimderdiń sheteldik taýarlarǵa qaraǵanda baǵasy qoljetimdi, sapa jaǵynan da kem túspeıdi. Kolonııanyń basshysy Bıbigúl Mansurovanyń aıtýynsha, jumysqa ornalasýǵa nıet etken sottalýshylardyń kásibı daıarlyǵy men jeke basynyń tártibi, minez-qulqy birinshi kezekte eskeriledi. Bul tájirıbeniń abaqtydan bosap shyqqannan keıingi ómirlerine de paıdasyn tıgizerine esh kúmán keltirmeıdi. О́mir Esqalı. Derek: Soltústik Qazaqstan oblystyq qylmystyq atqarý júıesi departamenti. Sýret: inform.kz.