Oralda apatty úı turǵyndaryna jańa baspana beriledi

ORAL. 6 naýryz. Oral qalasynyń Depovskaıa kóshesindegi apatty №18 úıdiń turǵyndary №5 shaǵyn aýdandaǵy ýaqytsha baspanaǵa kóshirildi. Bul týraly egemen.kz tilshisi habarlady. Kóp keshikpeı atalǵan kóshedegi ózge de apatty úılerdiń turǵyndary ýaqytsha qonysqa oryn almastyrmaq. О́ıtkeni bıyl apatty dep tanylǵan úıler buzylyp, onyń ornyna kóp qabatty úılerdiń qurylysy bastalmaq. Naqty aıtar bolsaq, toqsan páterlik toǵyz qabatty jáne 144 páterlik toǵyz qabatty jańa úıler salynady. Qurylys jumystary aıaqtalǵannan keıin ýaqytsha mekenjaıdaǵylar túpkilikti jańa baspanaǵa qaıta kóship kelmek. Mundaı ıgi shara qaladaǵy apatty úılerdiń turǵyndaryn baspanamen qamtýǵa baǵyttalǵan qanatqaqty jobanyń aıasynda júzege asyrylmaq. Turǵyndardy kópten beri tolǵandyryp kelgen túıtkildi máseleniń túıini memlekettik-jekemenshik áriptestik sheńberinde sheshimin tappaq. Iаǵnı, «BolashaqT» jáne «SV plıýs» qurylys kompanııalary bul iske bilek sybana kirisýge tilek bildirdi. Joba boıynsha Oral qalalyq ákimdigi, qurylys kompanııalary jáne turǵyndar arasynda úsh jaqty kelisimshartqa qol qoıyldy. Soǵan sáıkes qalalyq ákimdik qurylys jumystary kezinde turǵyndardy memlekettik turǵyn úı qorynan bólingen ýaqytsha baspanamen qamtamasyz etedi. Joǵaryda atalǵan qurylys kompanııalary úıdi salyp bitkennen keıin ony turǵyndarǵa jekemenshikke beredi. Bul kezde jańa baspana eski páterlerdiń aýdanyna sáıkes usynylady. Jańa úılerdi ınjenerlik ınfraqurylymmen qamtamasyz etý memleket esebinen júrgiziledi. Oral qalalyq ákimdiginiń baspasóz qyzmeti usynǵan málimetke súıensek, oblys ortalyǵyndaǵy 32 úı apatty jaǵdaıda dep tanylǵan. Bul úılerde 325 otbasy turady. О́zge úılerdiń de máselesi osy úlgide kezeń-kezeńmen sheshimlek. Temir Qusaıyn. Derek: egemen.kz. Sýret: priru.kz.