PAVLODAR. 2 maýsym. Oblys ortalyǵynda «Nurly jol» baǵdarlamasy aıasynda Elgın kóshesi 47/1 mekenjaıy boıynsha 5 qabatty turǵyn úı paıdalanýǵa berildi. Bul týraly egemen.kz tilshisi habarlady.
Baspanany «Báıterek» Ulttyq basqarýshy holdıngi» AQ ıpoteka kompanııasy arqyly páter alǵan turǵyndar qýanyshty. Qala ákimdigi alǵashqy bop kilt alǵan eki páter ıesine teledıdar, tońazytqysh tartý etti.
Páter ıeleri bir sharshy metrge 912 teńge tóleıdi. Jyl sońyna deıin Maıra kóshesindegi 180 páteri bar kóp qabatty úı paıdalanýǵa beriledi. Iаǵnı, páter ıesi úıdi bastapqy jarnasyz 20 jyl boıy jalǵa alady. Bes jyldan soń úı aqysyn ýaqytynan buryn jabý quqyǵyna ıe bolady. Bir páterdiń kólemi shamamen 30-35 sharshy metr. Elgın kóshesindegi jańa páterlerdiń 50 paıyzy 35 jasqa deıingi jas otbasylar arasynda úlestirilse, qalǵan bóligi bıýdjettik uıymdardyń qyzmetkerleri men memlekettik qyzmetshilerge, kóp balaly jáne múgedek balalary bar, tolyq emes otbasylarǵa, jetim, ata-anasynyń qamqorlyǵysyz qalǵan balalarǵa, áskerı qyzmetshilerge berildi.
Farıda Byqaı.
Derek, sýret: egemen.kz
