Fýtzaldan ÝEFA Kýbogynyń jerebesi tartyldy

ASTANA. 14 qazan. Búgin Shveısarııanyń Non qalasynda Fýtzaldan ÝEFA Kýbogy elıtalyq raýndynyń jerebesi tartyldy. Osy synda el namysyn eki birdeı komandamyz – Almatynyń «Qaıraty» men Qaraǵandynyń «Tulpary» qorǵaıdy. Bul týraly egemen.kz habarlady. Jerebe qorytyndysy boıynsha «Qaırat» «S» tobyna tústi. Bul topta ol «Iýgra» (Reseı), «Hrýdım» (Chehııa) jáne «Dor» (Vengrııa) komandalarymen oınaıdy. Atalǵan tórttik 10-15 qarashada Vengrııada kelesi aınalymnyń joldamasyn sarapqa salady. Al «V» tobyna túsken «Tulpar» «Peskara» (Italııa), «Halle-Gooık» (Belgııa) jáne «Jelezares» (Makedonııa) klýbtarymen sheberlik baıqasady. Bul komandalardyń oıyndary 10-15 qarashada Italııada ótedi. Barlyq toptyń quramy tómendegideı (toptyq kezeńdegi alań ıeleri erekshe belgilengen): «A» toby: «Inter» (Ispanııa), «Lıdselmash» (Belarýs), «Kremlen-Bısetr» (Fransııa), «Doboves» (Slovenııa). «B» toby: «Tulpar» (Qazaqstan), «Peskara» (Italııa), «Halle-Gooık» (Belgııa), «Jelezares» (Makedonııa). «S» toby: «Qaırat» (Qazaqstan), «Iýgra» (Reseı), «Hrýdım» (Chehııa), «Dor» (Vengrııa). «D» toby: «Ekonomas» (Serbııa), «Slov-Matık» (Slovakııa), «Benfıka» (Portýgalııa), «Lokomotıv» (Ýkraına). Ár toptyń jeńimpazdary týrnırdiń jartylaı fınalyna joldama alady. Bul synnyń oıyndary osy kezeńge shyqqan tórt komandanyń biriniń alańynda sáýir aıynda oınalady. Aıta keteıik, «Qaırat» fýtzaldan ÝEFA Kýbogynyń qazirgi ıegeri. Elaman Qońyr. Derek: egemen.kz. Sýret: kairat-futsal.kz.