Bilikti maman – zaman talaby

Qazirgi tańda Memlekettik qyzmet isteri jáne sybaılas jemqorlyqqa qarsy kúres agenttigi memlekettik qyzmet salasyndaǵy memlekettik menedjmentti engizý týraly  Elbasynyń tapsyrmasyna sáıkes zamanaýı, kásibı, derbes memlekettik apparatty qurý jumystaryn jetildirýde. Olar memlekettik qyzmettiń jańa modeliniń ekinshi kezeńinde qoıǵan tapsyrmalaryna sáıkes bolady. Bul jóninde Prezıdent janyndaǵy Ortalyq kommýnıkasııalar qyzmetinde ótken brıfıngte Memlekettik qyzmet isteri jáne sybaılas jemqorlyqqa qarsy is-qımyl agenttigi tóraǵasynyń orynbasary Saıan Ahmetjanov málimdedi. «Memleketti tıimdi basqarýdy damytý» taqyrybyndaǵy jıynda memlekettik apparattardyń kásibıligin arttyrý tetikteri sóz boldy. Qosymsha memleket qyzmetkerleriniń jalaqysyn kóterý məselesine bonýstyq júıeni qurý úshin memlekettiń tólemaqy júıesin jetildirý məselesi boıynsha jarlyq əzirleýdemiz. Ər memlekettik qyzmetker óziniń qyzmet etetin jumys ornynyń tıimdiligin kúsheıtýge múddeli bolýy tıis», dedi S.Ahmetjanov. Kelesi kezekte jemqorlyqqa táýekeldilikti anyqtaý jáne taldaý basqarmasynyń basshysy Dınara Janenova sóz alyp, memlekettik qyzmetke baılanysty biliktilik talabyn arttyrýdy kózdeıtinderin aıtty. Onyń aıtýynsha,  tap qazirgi tańda jumyskerlerdiń tek jumystyq tájirıbesi men joǵary bilimine ǵana mán beriledi. Al ýaqyt sanap mamandardyń biliktiligine degen suranystyń artyp jatqandyǵyn tilge tıek etken ol, memlekettik qyzmetke úmitkerlerde sheteldik bilimniń bolýy kerek ekendigin qosa aıtty. Biz barlyq memlekettik qyzmetterge fýnksııalyq sholý jasap kórdik, osyny nazarǵa ala otyryp, beıindi quzyrettilikterdi ázirleıtin bolamyz. Osynyń arqasynda  memlekettik qyzmetke úmitkerlerdiń talabyn jetildire alamyz, dedi D. Janenova. Sonymen qatar, Dınara Tólegenqyzy memlekettik qyzmetke barynsha talantty jáne kásibı mamandardy tartýǵa yntaly ekendikterin jetkizdi. Aıtar bolsaq, jumysqa «Bolashaq» túlekterin,  joǵary oqý ornyn bitirgen daryndy jastardy tartý kerektigin aıtyp ótti. Onyń aıtýynsha, ár memlekettik qyzmetkerge ózin bolashaqta qaı qyzmette kórgisi keletindigine baılanysty «mansap kartasy»  jasalatyn bolady. Jáne oǵan jetý jolyndaǵy baǵyttar kórsetiledi. Bul másele tóńireginde azamattardyń ózin ózi alǵa jetelep, biliktiligin arttyra túsýine úlken dem bolatyndyǵyna toqtaldy. Sondaı-aq, olardyń kúsh-qarymyn arttyrýda mamandarǵa shet elderde tájirıbeden ótýge, tálimgerlik jasaýǵa jáne arnaıy baǵdarlamalar aıasynda oqyp, bilimin jetildirýge mol múmkindikter jasalatyndyǵyn jetkizdi. Sondaı-aq, agenttiktiń kelisimimen ótýi tıis kadrlyq qyzmetterdiń basshylaryn taǵaıyndaý máselesi nazarda, degen ol,  munyń tasasynda basshylardyń qandaı da bir sýbektıvti sheshim shyǵarýyna tosqaýyl bolýǵa úles qosatyndyǵyn aıtty. Sonda túsinispeýshilik saldarynan oryn alyp jatatyn sebepsiz bosatýlar men belgisiz aýystyrýlarǵa dýshar bolatyn qyzmetkerlerdiń quqyǵyn qorǵaýǵa kadrlyq qyzmet shynaıy septeser edi, dep túıindedi ol sózin. Elmıra MÁTIBAEVA, «Egemen Qazaqstan».