Memlekettik qyzmet kórsetýdiń sapasy talqylandy

Almaty qalasy ákimdiginiń májilis zalynda Memlekettik qyzmet isteri jáne sybaılas jemqorlyqqa qarsy is-qımyl agenttiginiń Almaty qalasy boıynsha departamenti janyndaǵy Qoǵamdyq keńestiń májilisi ótti. Bul basqosýda ústimizdegi jyldyń segiz aıynyń qorytyndysy boıynsha memlekettik organdarmen memlekettik qyzmet arqyly kórsetilgen ishki baqylaý qyzmetiniń nátıjesi qaraldy. Sondaı-aq, memlekettik organdardyń jaýapty tulǵalary men basshylarynyń sybaılas jemqorlyqqa qarsy qyzmeti jónindegi jasalǵan sharalar týraly baıandamalary tyńdaldy. Qazirgi tańda Almaty qala­synda 80-ge jýyq memlekettik organdar halyqqa 148 qyzmet túrin kórsetedi. Bul qyzmetter memlekettik qyzmet tiziliminde bar. Ústimizdegi jyldyń segiz aı­ynda ákimdik tarapynan kór­setilgen memlekettik qyzmetterdiń jalpy sany 7 155 020 qurasa, onyń ishinde 6 430 096 qyzmet memlekettik organdar arqyly qa­ǵaz júzinde, 155 558 qyzmet ha­lyqqa qyzmet kór­setý ortalyǵy arqyly, 31 975 qyz­met elektrondy túrde kórsetilgen. Jergilikti atqarýshy organdarda suranysqa ıe densaýlyq saqtaý salasy, halyqty áleýmettik qorǵaý, bilim berý men jyljymaıtyn múlik nysandaryndaǵy qy­z­metter bolyp tabylady. Aýmaq­tyq bólimshelerdiń arasynda Memlekettik kiris, Ishki ister jáne Ádilet departamentteriniń qyz­metteri kórsetiledi. Memlekettik qyzmet standarttarymen reglamentterin bekitý monıtorıngine sáıkes eseptik kezeńde salalyq mınıstrlikterden 156 memlekettik qyzmet túrleri bekitilip, 146 memlekettik qyzmet kór­setildi. Osy standarttardyń negizinde Almaty qalasynyń ákim­digi 50 memlekettik qyzmet reglamentin bekitti. Memlekettik qyzmet kórse­týdiń sapasyn baqylaý boıynsha qyzmetterdi qamtamasyz etý, halyqqa qyzmet kórsetý or­ta­lyq­tarynyń jumystarymen tike­leı baılanysty. Zańdylyqty kú­sheıtý maqsatynda jer qa­ty­nastary jáne «Almaty qala­syn­da jer qatynastary salasyn­da kórsetiletin memlekettik qyz­met­terdiń reglamentterin beki­tý týraly» Almaty qalasy ákim­di­giniń 2014 jylǵy 22 ma­myr­daǵy №2/385 qaýlysy ázir­lenip, qabyldandy. Almaty qalasy já­ne onyń shetinde turatyn tur­ǵyndardan ótken jyly 286 suraq tússe, bıylǵy jyldyń ót­ken alty aıynda 220 suraq kelip túsken, bul suraqtardyń jartysy­nan astamy qalaǵa qosylǵan aýmaqtar jóninde. О́tken segiz aıda Sáýlet jáne qala qurylysy basqarmasy tarapynan 55 572 memlekettik qyzmet kórsetilgen. Memlekettik qyzmet kórsetýdiń sapasyn kóterýmen sybaılas jemqorlyqtyń aldyn alý máseleleri boıynsha úkimettik emes uıymdarmen birlese otyryp, 24 kelisimge qol qoıyldy. Búgingi kúni atalǵan másele boıynsha ju­mys­tar júıeli túrde júrgizilip jatyr. Sharafaddın ÁMIROV, «Egemen Qazaqstan». Almaty.