Almatyda araǵa eki kún salyp, qaıtadan qar jaýdy

ALMATY. 2 sáýir. Almatyda qaıtadan qar jaýa bastady. Kóktemniń ekinshi aıyndaǵy aýa raıynyń tosyn qubylysyna qalalyqtar ań-tań. Bul týraly egemen.kz tilshisi habarlady. Eki kún buryn Almatyǵa sońǵy úsh jylda jáne qys kezinde bolmaǵan qar túsken. Qardyń qala boıynsha ortasha qalyńdyǵy 35 santımerge jetti, ol jyldyq mólsherdiń úshten birine teń. Qalalyq kommýnaldyq qyzmet áýelde kósheler men aýlalardy, baqtardy, Alataýǵa tartqan joldardy tazalaýǵa 800 adam, 300 tehnıka jumyldyrylǵany týraly málimet berdi. Almaty tabıǵaty ádettegideı qyzyq, bir kúnniń ishinde qalanyń basty kósheleri qaıta qurǵap shyqty. Árıne, buǵan kommýnalshylyrdyń qosqan úlesi az bolmaǵan sekildi. О́ıtkeni, erı jaýǵan ulpa qar basylǵanda turǵyndar Almatydan 10 840 tekshe metr qar syrtqa shyǵarylǵany, oǵan 1 100 KamAZ ekvıvalenti men 1 200 adam qatysqany týraly habardar boldy. Kóshelerge 5 tonna hlor qosylǵan qum, 36 tonna tuz tógilgen. Almatydaǵy 548 myń kólik júrgizýshiniń qınalysyn túsinýge bolady: Naýryz merekesiniń jaımashýaq kúnderi kólikterine jazdyq shına aýystyryp úlgergender onsyz da keptelistegi qala kóshelerinde saqtana júrip, jol júrý qozǵalysyn tipten baıaýlatyp jiberdi. Endigi másele, qala kommýnaldyq qyzmetiniń qysqa arnaǵan rezervi túgesilip qalmasa bolǵany, qazir Almatyda qaıtadan, maıdalap qar jaýyp tur. Talǵat Súıinbaı. Derek, sýret: egemen.kz.