Birlesken istiń bereri kóp

Qazir turǵyndardyń turmysyna qatysty óz ónimderin jarnamalap, sapaly qyzmet kórsetýge senimdilik tanytyp jatatyn ónim óndirýshi kompanııalar kóp. Biri taǵam óndirse, biri tereze jasap, úshinshisi esik daıyndap usynýda. Aqtaýda óziniń sapaly esikterin usynyp, halyqtyń talǵamyna tatıtyn ónimderimen kózge túsken kásiporyndardyń biri – «TRIDE» saýda kompanııasy. Reseılik kásiporynmen birigip, seriktes retinde jumys jasaıtyn qazaqstandyq kompanııanyń dırektory Rýslan ISMAǴULOVPEN suhbattasqan edik. – Rýslan Baýyrjanuly, ózińiz basqaratyn kompanııanyń aınalysatyn kásibi, ıaǵnı zamanaýı esikter daıyndaý tur­ǵyn­dar úshin qajetti ekeni belgili. Kompanııa qaı jyly qurylyp edi? – Qazir elimizdiń barlyq óńirinde qurylys qarqyn alyp tur. Jeke baspanalar salýdan bas­tap, túrli áleýmettik nysandar, kásipkerlik oryndarǵa qatysty birinen-biri asyp túsetin alyp, sáýletti ǵımarattar kóptep boı kóterýde. Ol ǵımarattarǵa bolsyn, jeke baspanalarǵa bolsyn qaýipsiz, zamanaýı standarttarǵa saı, ári sándi esikterdiń qajet bolatyny belgili. Biz óz kásibimizge osy baǵytty nysana ettik jáne osy maqsatta 2007 jyly atalmysh kompanııany qurǵan bolatynbyz. Jumystyń sapasyn arttyrý, óz tutynýshylarymyzǵa sapaly ónim usyný jáne naryqtyń talabyna saı básekelestik ortada nyq bolý úshin ózimizge tájirıbe almasyp, senimdi seriktes bola alatyn áriptes izdedik. Tańdaýymyz reseılik syrtqy esik daıyndaý­shy kásiporyndar arasynda jetekshilik sıpatqa ıe «Intekron» zaýytyna tústi. Bul tek Reseı ǵana emes, TMD aýmaǵynda óz salasynyń kóshbasshysy bolyp tabylady. 2012 jyldan beri kórshi eldiń osy zaýytymen kelisim-shartqa otyryp, seriktes retinde birlese jumys jasaýdamyz. – О́nim daıyndaýdaǵy basty ustanym qandaı? – Zamanaýı jabdyqtyń óndiriste udaıy jetildirilip otyrǵan tehnologııamen úılesim tabýy, sondaı-aq joǵary sanatty mamandardyń kópjyldyq tájirıbesi bizdiń jumysymyzǵa sapa men baǵanyń dástúrli úılesimin saqtaı otyryp, shedevr­ler jasaý múmkindigin beredi. Biz syrtqy esik jasaýdaǵy óz izdenisimizdiń kókjıegin keńeıte otyryp, eń aldymen jańa tehnologııalardy paıdalanyp, sapaly ónim jasaýdy maqsat ettik. Osy óz ónimimizdiń sapasyna únemi nazar aýdaryp otyrýymyzdyń nátıjesi retinde esikterimizdiń tutynýshylar arasynda ótimdi jáne yqylasqa ıe ekendigin aıtqym keledi. Sapa joǵary, al baǵa máselesiniń turǵyndar úshin árdaıym qoljetimdi bolýyn qadaǵalap kelemiz. «TRIDE» kompanııasy – bul arhıtektýralyq-dızaınerlik óner­diń zamanaýı tehnologııalaryn paıdalana otyryp, kez kelgen kúrdeli máselelerdi kásibı já­ne jedel túrde sheship jatqan kásiporyn. Ol azamattar men bızneske standarttyq ta, sonymen qatar, ásemdik, sapa jáne qaýipsizdikti erekshe saqtaıtyn, zamanaýı ónim modelderin ýaqyttan qalyspaı usynatyn mamandardyń uıymshyl toby. Búginderi biz, sonyń ishinde turmystyq qurylystardyń, ákimshilik ǵımarattardyń ártúrli qurylystary, memlekettik mekemeler, munaı kompanııalary úshin bólshek te, kóterme de aımaqtyq qoımalar men satylymdardy jemisti uıymdastyra otyryp, Astana, Almaty, Qaraǵandy, Aqtaý, Atyraý jáne Aqtóbe sekildi qalalarda belsendi jumys atqarýdamyz. – Jeke ónim óndirýshi retinde bıik belesterge, iri sharalarǵa qatysýshy bola aldyńyzdar ma? – Iá, iri sharalarǵa qatysý kez kelgen ónim óndirýshiniń jumys sapasyn arttyrýǵa, óz kásipornynyń bolashaǵyna laıyqty baǵdar ja­saýyna yqpal etedi. Bizdiń kom­panııamyz ózimizdiń reseılik áriptesimizben birge óz ónimimiz­ben­ Astana qalasyndaǵy asa iri­ EKSPO-2017 kórmesiniń qury­ly­syna da qatysyp jatyr­myz. Muny biz maqtanysh etemiz jáne kompanııanyń shaǵyn tarıhyndaǵy iri sharalardyń biri retinde baǵ­a­laımyz. Sonymen qatar, bıylǵy jyly naýryz aıynda kompanııamyz memlekettik organdar,­ shaǵyn jáne orta bıznesti damytý ınstıtýttarynyń, qarjy­lyq uıym ókilderiniń qatysýy­men Astana qalasynda ótken ká­sip­kerlerge arnalǵan Start up kólemdi forým-kórmesine qatysty. Aldaǵy ýaqytta josparlap otyrǵan mejelerimiz az emes. Biz bul belesterdi ózimizdiń reseılik áriptesimizben birlese otyryp baǵyndyratyn bolamyz. – Iske sát! Áńgimelesken Gúlaıym ShYNTEMIRQYZY, «Egemen Qazaqstan». Mańǵystaý oblysy.