Ýaqytynda aıaqtaldy

Bıyl aqmolalyqtar úshin oraq naýqany tamyzdyń 19 jul­dy­zynda, agroónerkásip kesheniniń dástúrli keńesinen bastaldy desek qatelespespiz. Munda mańdaı termen ósirilgen mol yryzdyqty ysyrapsyz jınap alýdyń ozyq tásilderi qarastyrylyp, aldyńǵy qa­tar­ly aýylsharýashylyq qu­rylymdary óz tájirıbelerin or­taǵa saldy, kúzgi aýa raıy­nyń erekshelikteri de aıtyldy. Oblys boıynsha aýyl­sha­rýa­shylyq daqyldarynyń jalpy kólemi 4547,9 myń gektardy qurasa, onyń 4147,5 myńy dándi jáne burshaq daqyldaryna tıesili. Sonymen qatar, 244,3 myń gektar maıly daqyldar, 132,8 myń gektar mal azyǵy, 18,7 myń gektar kartop jáne 4,4 myń gek­tar kókónis ósirý qolǵa alyndy. Áıtkenmen, egistik alqaptarda fıto­sanıtarlyq jaǵdaı óte kúrdeli bolǵanyn aıtýymyz kerek. Máselen, 4,5 mıllıon gektar egistik, ıaǵnı 108,3 paıyzy hımııalyq óńdeýden ótti. Sondaı-aq, septerıoz jáne astyqtyń sur kóbelegine qarsy hımııalyq óńdeý jumystary júrgizildi. Bıylǵy naýqanǵa 8561 astyq kombaıny jumyldyryldy, onyń 1129-y alymdylyǵy joǵary she­teldik tehnıka. Egin oraǵyn oı­da­­ǵydaı ótkizýge qajet júk kó­lik­teri jáne traktor tirkemeleri 100 paıyz ázir boldy. Janar-ja­ǵar­maımen qamtamasyz etý máse­lesi de oń sheshildi dep aıta alamyz. Egin oraǵy kezin­degi eń bas­ty máse­lelerdiń biri – as­tyq qabyldaý kásip­oryndarynyń daı­yn­dyǵy. Osy oraıda, bıylǵy naýqanǵa lı­senzııasy bar 60 astyq saqtaý kásip­orny qatysyp otyr. Bul kásiporyndarda 3,9 mıllıon tonna astyq saqtaýǵa bolady. Oǵan qosa aýylsharýashylyq qu­rylymdarynyń ózinde 1,9 mıllıon tonna kóleminde astyq sııa­tyn qoımalar bar. Osydan-aq bıylǵy alynǵan astyqtyń dalada qalmaıtynyn baıqaýǵa bolady. Al, 210 astyq keptirgish táýligine 86 myń tonna astyqty óńdeı alady. «Jumyla kótergen júk jeńil» degendeı, el yryzdyǵy ysyrapsyz jınap alyndy. Egis al­qabynyń ár gektarynan 11,2 sentnerden ónim alynyp, 4632,7 myń tonna astyq qambaǵa jetkizildi. О́nimniń sapasy ótken jylǵymen salystyrǵanda bir saty joǵary. Munyń ózi jyl saıyn shetelge astyq shyǵarý dástúrin jalǵastyrýymyzǵa múmkindik beredi. Kelesi jyldyń egisine qajetti 523,3 myń tonna tuqym quıyp aldyq. Osy oraıda, gektar berekesin 15 sentnerden aınaldyrǵan Zerendi, Sandyqtaý aýdany dıqandarynyń tabysyn bólektep aıtýǵa bolady. Jaqsy aýdany 535,8 myń tonna astyq jınap otyr. Bul ótken jylǵydan 45,9 myń tonnaǵa kóp. Murat BALPAN, Aqmola oblystyq aýyl sharýashylyǵy basqarmasynyń basshysy. Aqmola oblysy.