Atyraýda júrgizýshi qujatsyz 4 tonna dızel otynymen ustaldy

ATYRAÝ. 2 sáýir. Atyraý oblysynda 4 tonna dızel otynyn qujatsyz tasymaldaǵan kólik júrgizýshisi ustaldy. Bul týraly Atyraý oblystyq ishki ister departamentiniń baspasóz qyzmeti habarlady. Jylyoı aýdandyq ishki ister bóliminiń jol-patrýldik polısııa qyzmetkerleri kezekti reıdtik shara kezinde Qulsary-Saryqamys tas joly boıynda MAZ kóligin toqtatqan. Polıseıler kólikti tekserý barysynda oǵan tıelgen 4 tonna dızel janarmaıy bar ekenin anyqtady. Alaıda, júrgizýshi dızel otyny tıisti jerge aparylýy qajettigin rastaıtyn arnaıy qujatty usyna almady. «Qazir dızel janarmaıynyń qaıdan, qandaı jolmen alynǵany tekserilýde. Al kólik júrgizýshisi Jylyoı aýdanynyń ortalyǵy – Qulsary qalasynyń 27 jastaǵy turǵyny eken. Tekserý qorytyndysymen tıisti sheshimder qabyldanady», deıdi Atyraý oblystyq ishki ister departamenti baspasóz qyzmetiniń jetekshisi Gúlnazıra Muhtarova. Joldasbek Shópeǵul. Derek: Atyraý oblystyq ishki ister departamentiniń baspasóz qyzmeti. Sýret: thenews.kz.