Atyraý turǵyny topyraq arasynan 2 snarıad taýyp aldy

ATYRAÝ. 21 mamyr. Atyraý oblysynyń turǵyny úı janyndaǵy topyraq arasynan 2 snarıad taýyp aldy. Bul týraly oblystyq ishki departamentiniń baspasóz qyzmeti habarlady. Atyraý qalasyna taıaý ornalasqan Damba-2 eldi mekeniniń 30 jastaǵy turǵyny bir aı buryn turǵyn úı qurylysyn júrgizý úshin «KamAZ» kóliginiń júrgizýshisinen topyraq satyp alǵan. Al mamyr kúni sol topyraqty qurylys jumystaryna paıdalanýdy bastaǵan. Topyraq arasynan 2 snarıadty taýyp alyp, quqyq qorǵaý organdaryna habarlaǵan. «Oqıǵa ornyna polısııa jáne ishki ister departamentiniń «Arlan» arnaıy jasaǵy men «Batys» aımaqtyq qolbasshylyǵynyń áskerı bólim qyzmetkerleri keldi. Snarıad tabylǵan jer qorshalyp, olar áskerı polıgonda zalalsyzdandyryldy. Mamandardyń aıtýynsha, 122-kalıbrli, zarıadtyq jarylǵyshy joq, tattanǵan eki snarıad soǵys kezinen saqtalyp qalǵan», – deıdi oblystyq ishki ister departamentiniń baspasóz hatshysy Gúlnázıra Muhtarova. Joldasbek Shópeǵul. Derek: Atyraý oblystyq ishki departamentiniń baspasóz qyzmeti. Sýret: mk.ua.