Memlekettik hatshy BUU Damý baǵdarlamasynyń jetekshisimen kezdesti

ASTANA. 21 mamyr. Memlekettik hatshy Gúlshara Ábdiqalyqova BUU Damý baǵdarlamasynyń jetekshisi Helen Klarkpen kezdesti. Bul týraly akorda.kz habarlady. Kezdesý barysynda ózara tıimdi yntymaqtastyqtyń negizgi baǵyttary, sondaı-aq, ony elimizdiń ornyqty áleýmettik-ekonomıkalyq damýy jaǵdaıynda keńeıtýdiń keleshegi talqylandy. Memlekettik hatshy Qazaqstan men BUU Damý baǵdarlamasy arasynda qalyptasqan ornyqty seriktestik qarym-qatynasqa toqtalyp, kedeıshilik pen jumyssyzdyqty, ana men bala ólimin tómendetýdi, turaqty damýdy, qorshaǵan ortany jaqsartýdy, AIV/JITS jáne týberkýlezdiń aldyn alýdy, genderlik teńdikti, sybaılas jemqorlyqqa qarsy kúresti qosa qamtıtyn memlekettik basqarýdyń tıimdiligin arttyrýǵa baǵyttalǵan mańyzdy jobalardy iske asyrýǵa tehnıkalyq járdem jasaǵany úshin rızashylyǵyn bildirdi. Damý baǵdarlamasymen yntymaqtastyq Qazaqstannyń zańnamasy men is tájirıbesine BUU-nyń joǵary standarttaryn jáne halyqaralyq úzdik tájirıbeni oıdaǵydaı engizý isine óz úlesin qosty. Gúlshara Ábdiqalyqova Qazaqstan men BUU Damý baǵdarlamasy arasyndaǵy 2016-2020 jyldarǵa arnalǵan seriktestiktiń negizdemelik jańa baǵdarlamasy «Qazaqstan-2050» strategııasy, «Nurly jol – bolashaqqa bastar jol» jańa ekonomıkalyq saıasaty jáne Memleket basshysynyń bastamasy – 5 ınstıtýsıonaldyq reformanyń maqsattary men mindetterine qol jetkizýge múmkindik týǵyzatynyna senim bildirdi. Bizdiń jetistikterimiz halyqaralyq reıtıngter arqyly da aıqyn kórinis taýyp otyr. Qazaqstan tiri týǵan ár 1000 sábıge qatysty alǵandaǵy ana ólimi deńgeıin 1999 jylǵy 55-ten 2013 jylǵy 12,6-ǵa deıin 3 ese tómendetý arqyly Myńjyldyq damýdyń besinshi maqsatyna (MDM) qol jetkizdi. Buǵan deıin kedeıshilikti azaıtý, bastaýysh bilimge qoljetimdilik jáne genderlik teńdikti qamtamasyz etý jóninen Myńjyldyqtyń birinshi, ekinshi jáne úshinshi damý maqsattaryna merziminen buryn qol jetkizilgen bolatyn. 2013 jylǵy málimetter boıynsha Qazaqstan ulttyq ál-aýqat deńgeıiniń halyqaralyq reıtınginde 47-oryn ıelenip, TMD-nyń barlyq elderinen ozyp shyqty. Bilimge teń qoljetimdilik qamtamasyz etildi. IýNESKO málimetine sáıkes, bilimniń damý kórsetkishi boıynsha Qazaqstan álemniń 129 eli arasynda 4-shi oryndy ıelendi. Kezdesý qorytyndysy boıynsha taraptar jańa jobalardy tıimdi iske asyrý maqsatynda belsendi yntymaqtastyqty jalǵastyrýdyń mańyzdylyǵyn nazarǵa aldy. Elaman Qońyr. Derek, sýret: akorda.kz.