Elbasy «Jastar qýatty Qazaqstan úshin!» respýblıkalyq forýmyna qatysty

ASTANA. 2 sáýir. Elbasy Batys Qazaqstan oblysyna sapary barysynda «Jastar qýatty Qazaqstan úshin!» atty respýblıkalyq forýmyna qatysty. Bul týraly Aqordanyń baspasóz qyzmetine súıenip egemen.kz habarlady. Forýmǵa stýdent, sportshy, shyǵarmashyl jáne jumysshy jastardyń 2 000-ǵa jýyq ókili keldi. Sondaı-aq, Atyraý jáne Mańǵystaý oblystarynyń jastary da tikeleı efır arqyly osy is-sharaǵa qatysty. Memleket basshysy qatysýshylardy forým jumysynyń bastalýymen quttyqtap, jastardyń negizgi bastamalardy júzege asyrýǵa belsene qatysyp júrgenine toqtaldy. «Qazaqstan qatań klımat jaǵdaıynda jerimizdi ormanǵa aınaldyrý úshin kúsh salýda. «Jasyl El» baǵdarlamasy aıasynda 115 myń gektar aýmaqta 50 mıllıon aǵash otyrǵyzyldy. 200 myńdyq «Jasyl El» komandasynyń bul eńbegi erlikke bara-bar. «Dıplommen – aýylǵa!» baǵdarlamasy boıynsha 30 myń jas aýylǵa attandy. Bul jastardyń eldi jáne onyń shalǵaı mekenderin damytýǵa qatysýynyń kórsetkishi bolyp sanalady. Qazaqstan jastarǵa túrli salalarda qamqorlyq kórsetedi, sonyń ishinde olardy shetelderde oqytady. Respýblıkada bilimdi eńbek tájirıbesimen ushtastyratyn dýaldy oqytý júıesin engizý sharalary qabyldanýda. Búginde belsendi ári maqsatshyl jastar úshin elimizde barlyq múmkindikter bar», – dedi Memleket basshysy. Qazaqstan Prezıdenti forýmǵa nıeti bir, tilegi ortaq myńdaǵan qazaqstandyq jas qatysyp otyrǵanyn aıtty. «Biz birlesip qýatty el qalyptastyramyz. Osynyń bári sizder úshin jasalýda. 4 jylda qarjylandyrý kólemi bilim berýde 2 esege, ǵylymda 2,5 esege, densaýlyq saqtaýda 1,5 esege ulǵaıdy. Búkil el boıynsha biz joǵary oqý oryndarynda tegin oqý úshin jyl saıyn 35 myń grant bólemiz. Nazarbaev ýnıversıtet, Zııatkerlik mektepter jemisti jumys isteýde. Biz ındýstrııalandyrýdyń birinshi besjyldyǵyn tabysty aıaqtadyq. Onyń aıasynda 700 kásiporyn salynyp, 60 myń jańa jumys orny ashyldy. Elge 200 mıllıard dollar sheteldik tikeleı ınvestısııa keldi. Barshanyń eńbeginiń arqasynda elimiz álemniń meılinshe damyǵan 50 memleketiniń qataryna kirdi», – dedi Nursultan Nazarbaev. Memleket basshysy Batys Qazaqstan óńiriniń turaqty ekonomıkalyq ósimin, áleýmettik máselelerdiń sheshilip jatqanyn, otbasylardyń ál-aýqaty artqanyn atap ótti. «Oblystaryńyzda sońǵy jyldary 260 mıllıard teńgeniń somasyna 34 kásiporyn salyndy jáne jańǵyrtyldy. Onda eki myńnan astam adam jumysqa ornalasty. О́nerkásiptik óndiris kólemi nebári 3 jylda 2 ese ósti. Qorǵanys kesheni kásiporny tabysty damyp keledi, sonyń arqasynda bizdiń keme jasaıtyn salamyz jáne óz teńiz flotymyz bar. Biz shaǵyn kásipkerliktiń damýyna qol ushyn sozamyz. «Bıznestiń jol kartasy – 2020» baǵdarlamasy boıynsha tek Batys Qazaqstan oblysynda byltyr 1,7 mıllıard tenge bólindi, 9,5 mıllıard teńgege 123 joba júzege asyryldy. «Jumyspen qamtý – 2020» baǵdarlamasy boıynsha oblysta 12 myń jas jumysqa ornalasty», – dedi Qazaqstan Prezıdenti. Nursultan Nazarbaev sondaı-aq, «Nurly jol» baǵdarlamasynyń negizgi baǵyttaryna jáne óńirdegi ındýstrııalyq jobalardyń júzege asyrylý barysyna toqtaldy. «Biz joldar, áleýmettik nysandar men jastar úshin baspana salyp jatyrmyz. Sońǵy 2 jylda oblysta 360 jas otbasy páter aldy. Iаǵnı, 1 000-nan astam adam baspanaly boldy. «Nurly jol» aıasynda oblystaryńyzda Oral-Kamenka tas joly qaıta jóndeledi. Qosymsha ınvestısııa tartý úshin jańa ındýstrııalyq aımaq qurylýda. Jalpy quny 44 mıllıard teńgeniń eki ındýstrııalyq nysanyn iske qosý josparlanýda. Quny 2,5 mıllıard teńge taǵy 3 joba júzege asyrylyp jatyr, olar keler jyly iske qosylady. Alda úlken jospar jáne aýqymdy jumys bar. Eńbekqor halyq úshin bul sońǵy shek emes dep oılaımyn», – dedi Memleket basshysy. Qazaqstan Prezıdenti forýmǵa kóptegen belgili sportshylar qatysyp otyrǵanyna nazar aýdardy. «Bizdiń Ilıa Ilın, Gennadıı Golovkın, Denıs Ten, Aleksandr Vınokýrov jáne olarǵa qosa London Olımpıadasynda kópti tánti etken ózge de olımpıadashylarymyzdyń esimderi búkil álemge tanymal. Olar jańa býyn úshin laıyqty úlgi bolyp sanalady. Búginde sport salasynda 1 500 sport nysany – stadıondar, basseınder, hokkeı jáne tennıs korttary jumys isteıdi. Búgingi bizdiń forýmnyń Qazaqstan tennıs federasııasynyń kómegimen salynǵan osy zamanaýı Tennıs ortalyǵynda ótip otyrýy da beker emes. Munda bolashaq chempıondar tárbıelenedi», – dedi Nursultan Nazarbaev. Memleket basshysy álemniń ozyq 30 eliniń qataryna kirý jolyndaǵy jańa kezeńniń bastalǵanyn atap ótti. «Biz basty maqsaty halyqtyń turmysyn barlyq jaǵynan jaqsartý, sonymen qosa sapaly memlekettik basqarý, sottyq-quqyqtyq qorǵaý, ındýstrııany damytý, halyq birligin nyǵaıtý bolyp sanalatyn 5 ınstıtýsıonaldyq reformany júzege asyrýdamyz. Bul – aldaǵy kóp jyldarǵa kózdelgen aýqymdy damý jospary», – dedi Qazaqstan Prezıdenti. Nursultan Nazarbaev jasalyp jatqan jumystyń bári el bolashaǵyna, óskeleń urpaqtyń erteńine baǵyttalyp otyrǵanyn aıtty. «Búginde senderdiń aldaryńnan búkil álemge jol ashyq. Sender qyzyqty kezeńde ómir súrip, bolashaqqa baǵyt ustaǵan elmen birge ósip kelesińder. Osynyń barlyǵy beıbitshilik pen turaqtylyqtyń, Qazaqstan halqynyń dostyǵynyń, týystyǵynyń jáne ózara túsinistiginiń arqasy», – dedi Memleket basshysy. Forým barysynda «Qazaqstan-2050» jalpyulttyq qozǵalysy keńesiniń múshesi, Qazaqstan-Fınlıandııa bıznes-habynyń jetekshisi M.Mankeev, M.О́temisov atyndaǵy Batys Qazaqstan memlekettik ýnıversıtetiniń stýdenti prezıdenttik stıpendııa ıegeri G.Qoılanova, Olımpıada chempıony I.Ilın, Atyraý jáne Mańǵystaý oblystary jastarynyń ókilderi sóz sóılep, jastarǵa jáne olardyń bastamalaryna udaıy qoldaý kórsetetin Memleket basshysyna alǵystaryn aıtty. Sondaı-aq, «Qazaqstan-2050» strategııasyn júzege asyrý isine belsene qatysýǵa ázir ekendikterine sendirdi. Forým 4 korty, 300 orynǵa arnalǵan trıbýnalary bar tennıs ortalyǵynda ótti. Keshen dene shynyqtyrý jáne saýyqtyrý is-sharalaryn ótkizýge, halyqtyń belsendi demalysyna arnalǵan. Elaman Qońyr. Derek: egemen.kz. Sýret: vk.com.