Qostanaıda ken óndirý kásiporyndary quldyraı bastady

QOSTANAI. 15 qazan. Oblysta 9 aı ishinde ónerkásip ónimderin shyǵarý 14,2 paıyzǵa tómendegen. Osy kórsetkish boıynsha Qostanaı oblysy respýblıka boıynsha eń sońǵy oryndy alady. Bul týraly egemen.kz tilshisi habarlady. Oblystyń ekonomıkalyq-áleýmettik damýynyń 9 aılyq qorytyndysy oblys ákimi Arhımed Muhambetovtyń qatysýymen keńeıtilgen ákimshilik otyrysynda qaraldy. Onda oblys ónerkásibiniń damýyna sholý jasaǵan oblys ákiminiń orynbasary Roza Kemalova óńirdegi ken óndiretin eń iri kásiporyndar «Sokolov-Sarybaı ken óndirý birlestigi» aksıonerlik qoǵamy ónim shyǵarýdy –44,8 paıyzǵa, «Varvarınskoe» kompanııasy –36,8 paıyzǵa, «О́rken» seriktestigi –35,7 paıyzǵa tómendetkenin atap ótti. Eger muny aqshaǵa shaqqanda, mysaly «Sokolov-Sarybaı ken óndirý birlestigi» 9 aıda 86,3 mıllıard teńgeniń ónimin shyǵarsa, shyǵarmaǵany 70 mıllıard teńgeni quraıdy. Munyń ózi álemdik naryqta temir kenine baǵanyń tómendeýine baılanysty Reseı men Qytaı baǵytyna ónimdi artýdyń azaıýynan bolyp otyr. Mysaly, «SSKО́B» 2010-2013 jyldary jyl saıyn Qytaıǵa 5 mıllıon tonna ónim artatyn. Al 2014 jyly jóneltken kenniń kólemi 51 paıyzǵa ( ıaǵnı, 2,8 mıllıon tonna) deıin tómendedi. Al bıyl eksportqa jiberiletin ken ótken jylǵy kólemniń 7 paıyzyn ǵana quraıdy, ıaǵnı 190 myń tonnnadan aspaıdy. Roza Kemalovanyń baıandamasynda tek, ken óndirý ǵana emes, óndiristiń basqa salalarynda da, mysaly mashına jasaý, azyq-túlik óndirý salalarynda da ónim óndirýdiń tómendegeni baıqalyp otyrǵany aıtyldy. Sonymen qatar, ákim orynbasary oblysta ınvestısııalyq-óndiristik iri jobanyń joqtyǵyn da tilge tıek etti. Oblys ákimi Arhımed Muhambetov óńirge ınnovasııalyq-óndiristik jobalardyń qajettigin aıtty. Olardy júzege asyrǵanda ekonomıkalyq damý jáne adamdarǵa jumys bolatyny belgili. Jaqyn arada oblysta ındýstrııalandyrý baǵdarlamasy qaıta qaralatyn bolady. 9 aıda oblys óńirinde óndiristik  kásiporyndar jumysynda tómendeý bolǵanymen aýyl sharýashylyǵynda yrǵaqty alǵa basý baıqalǵan. Názıra Járimbetova. Derek, sýret: egemen.kz.