777 000

teńge para alǵan sheneýnik sottaldy «Qolyńnan kelse, qonyshynan bas» de­gendi qyzmettik ustanymyna aınaldyrǵan sheneýnikter qatty qatelesetinin bilmeıdi-aý, sirá! Áıtpese, memlekettiń múddesinen óz múddesin joǵary qoımas edi. Qý qul­qyn­nyń qamymen qaltasyn toltyrý úshin ońaı jolmen aqsha tabýdy oılamas edi. Buǵan naqty dálel retinde oblystyq ju­myspen qamtýdy úılestirý jáne áleý­mettik baǵdarlamalar basqarmasynyń sheteldik jumys kúshin tartý bólimine je­tekshilik etetin sheneýniktiń jat áreke­tin keltirýge bolady. Atyraý qalalyq №2 sotynda qaral­ǵan qylmystyq is materıal­darynda any­q­talǵandaı, bólim basshysy memle­kettik qyzmetti júzege asyrýshy ókiletti tulǵa bola tura «MNSK Sınopek Qazahstan» JShS ókilinen sheteldik jumys kúshin paıdalaný men onyń merzimin kedergisiz uzartýǵa ruqsat bergendigi úshin 777 000 teń­ge para alǵan. Sot úkimimen ol Qyl­­mystyq kodekstiń 366-babynyń 2-bó­liginde (Para alý) kórsetilgen qyl­mys­­tyq áreketti jasaǵandyǵy úshin ki­náli dep tanylyp, oǵan tórt jylǵa bas bostandyǵynan aıyrý, dúnıe-múlkin tár­kileý jáne ómir boıy memlekettik qyz­­­metpen aınalyspaý jazasy taǵaıyn­daldy. Jaza óteý orny jalpy rejimdegi kolonııasyna belgilendi» dep habarlady oblystyq sottyń baspasóz hatshysy Boranbaı Ǵalıev. Qylmystyń óteýi – jaza. Munyń ózge memlekettik qyzmetkerge sabaq bolǵanyn qalar edik. Joldasbek ShО́PEǴUL, «Egemen Qazaqstan». ATYRAÝ.