Shymkenttegi shyǵarmashylyq kesh

Jaqynda Shymkent qalasyndaǵy Ońtústik Qazaqstan memlekettik pedagogıkalyq ınstıtýtynda aqyn, sazger Ákim Ysqaqtyń shyǵarmashylyq keshi ótti. Ákim Ysqaq esimi jurtshylyqqa tuńǵysh qazaq tilinde jazylǵan zańnyń avtory retinde, jastar arasynda tárbıelik máni zor «Júrektegi jazýlar» men «Adam izdep júrmin» atty esse kitaptarymen jaqsy tanys. Stýdenttermen kezdesý qalamgerdiń ónegeli ómirinen syr sherter derekti fılm­men bastaldy. Aqyndy Shymkent qalasy ákiminiń oryn­basary Qaırat Nurtaı, oblystyq kásipodaqtar keńesiniń tóraǵasy Dosybaı Sherimqulov, oblystyq mádenıet bas­qarmasynyń basshysy Kúlııa Aıdarbekova, «Nur Otan» partııasynyń oblystyq fılıalynan Berik Quljanov, oblystyq máslıhattyń depýtaty Ábilqasym Dosbolov syndy azamattar quttyqtap, aq tilekterin jaýdyrdy. Instıtýt rektory Ońalbaı Aıashevtiń bastamasymen ótkizilgen bul keshte oqý ornynyń basshysy qorytyndy sózinde budan bylaı 221-dárishana Ákim Ysqaq esimimen atalatynyn habarlady. Kesh sońynda sóz alǵan Ákim Ábdi­qaıymuly ınstıtýt qabyrǵasynda bilim bergen oqytýshylaryn eske ala tebirene sóz sóılep, oqý orny basshylyǵy men kez­desýdiń keremet ótýine atsalysqan stýdentterge alǵysyn bildirdi. Abaı SEIFÝLLAULY, L.N.Gýmılev atyndaǵy EUÝ stýdenti.