Metan shyǵyny azaıady

Qazaqstan men Norvegııa memleketteri arasynda aýa quramyndaǵy metan shyǵynyn azaıtý maqsatynda qol qoıylǵan kelisimshart bar. Osy­ǵan oraı eki elaralyq bekitilgen qujat aıa­synda tyń jobany iske asyrýǵa otandyq «Qaz­­MunaıGaz» UK» AQ pen Norvegııanyń «Car­bon limits» kompanııasy atsalysyp otyr. Elimizdegi alǵashqy qanatqaqty joba eń aldymen «Embimunaıgaz» («EMG») AQ-tyń óndiris alańdarynda iske qosyldy. Dálirek aıtqanda, norvegııalyq «Carbon limits» kompanııasynyń qyzmetkerleri «Embimunaıgaz» AQ óndirisinde aýaǵa shyǵarylatyn metan shyǵyny mólsherin anyqtaý maqsatynda «Jaıyqmunaıgaz» munaı-gaz óndirý basqarmasynyń S.Balǵymbaev pen Ońtústik Batys-Qamysty ken alańdarynda, «Jyly­oımunaıgaz» munaı-gaz óndirý bas­qar­ma­synyń Batys Prorva, S.Nurjanov atyn­daǵy munaı kenishinde munaı óndirý men da­ıyndaý jumystarymen, ónimdi saqtaý, ilespe gazdy tazalaý jáne kádege jaratý sharalarymen jan-jaqty tanysty. «Carbon limits» kompanııasynyń Qa­zaq­­­- s­tandaǵy tyń jobany alǵash ret bas­taǵan­men, osy maqsatta jınaqtaǵan mol tájirıbesi bar. AQSh, Ýkraına, Kanada elderinde metan shy­ǵynyn azaıtýǵa baǵyt­talǵan qanatqaqty jobalaryn iske qosyp, sáti aıaqtaǵan. Ásirese, Ýk­raı­nada óndiriletin gazdyń 75 paıyzyn enshilegen «Ýkrgazvıdobývannıa» kompanııa­synda atalǵan qanatqaqty jobadan keıin metan shyǵynynyń aýaǵa shyǵarylýy aıtarlyqtaı azaıǵan. Al, Norvegııa bolsa búgingi tańda metan shy­ǵynysyz óndiristi damytyp otyr. –Bizdiń kásiporynnyń óndiris alańdarynda iske qosylǵan qanatqaqty joba kútkendeı ná­tıje beredi degen senimdemiz. Metannyń aýa qabatyna zııandy áserin azaıtý, ony ener­gııa kózi retinde tıimdi paıdalaný, gazdy únem­deý maqsatyndaǵy jumystar jandanady dep kútilýde», –deıdi «Embimunaıgaz» AQ qor­sha­ǵan ortany qorǵaý departamentiniń dırektory Sálıma Abıtova. Joba jumystarynyń nátıjesimen shetel­dik mamandar «Embimunaıgaz» óndirisinde par­nıktik gazdyń atmosferaǵa shyǵarylýyn azaıtý sharalarynyń baǵyttaryn anyqtap, me­tan shyǵynyn azaıtýdyń jańa tehnologııa­laryn usynbaqshy.  Joldasbek ShО́PEǴUL, «Egemen Qazaqstan». Atyraý oblysy.