О́SKEMEN. 28 tamyz. О́skemen men Semeı qalalarynda demalys aýmaqtaryn qaıta jóndeý jumystary jalǵasýda. Bul týraly egemen.kz habarlady.
Kelesi jyldan bastap eki qalanyń demalys aýmaqtary turǵyndar úshin qolaıly hám qaıtalanbas kelbetke ıe bolady. Iаǵnı, О́skemende joldar keńeıtilip, Uly Otan soǵysy ardagerlerine arnalǵan eskertkish aýmaǵy abattandyrylǵan saıabaqqa aınalmaq. Semeıde Ertistiń sol jaǵalaýyndaǵy bas alańdy abattandyrý jumystary aıaqtalady. Osy jóninde aıtqan oblys ákimi Danıal Ahmetov Semeıdi kóriktendirý baǵytynda oblys bıýdjetinen qajetti qarajat bólingenin, al oblys ortalyǵynda keler jyly úsh demalys aımaǵy paıdalanýǵa beriletinin jetkizdi.
«Qaıta jóndeýden ótip, keńeıtilgen Slavskıı atyndaǵy jaǵalaý men Dańq memorıaly О́skemendegi demalysqa arnalǵan basty oryndardyń biri bolady. Sonymen birge Uly Otan soǵysyna qatysýshylarǵa arnalǵan eskertkish aýdanynyń aýmaǵy kishigirim saıabaqqa aınalyp, Komendantkany kóriktendirý jumystary aıaqtalady», – dedi Danıal Ahmetov.
О́ńir basshysy Protozanov kóshesin Úlbi kópirine deıin keńeıtý jáne Sátpaev dańǵylynyń qarama-qarsy jolaqtary arasynda ornalasqan jasyl beldeýdiń esebinen joldy 12 metrge deıin keńeıtý jóninde tapsyrma berdi. Eń bastysy, oblys ákiminiń tapsyrmasy boıynsha 1 qyrkúıekten bastap Sol jaǵalaýdaǵy saıabaq keshenine kirý tegin bolmaq.
«Oblys ortalyǵyndaǵy eń úlken saıabaqqa kirý aqysy eresekterge 400 teńge, balalarǵa 200 teńgeni quraıdy. Álemniń birdep-bir qalasynda mundaı joq. Máskeýde Sokolnıkke erkin kiresiz. Munda balalar bos ýaqytyn ótkize almaıdy, sportshylar júgire almaıdy. Turǵyndarǵa bul múmkindikti berýimiz kerek. Árıne, burynǵydan kóp kúsh jumsaýǵa, tazalyq sharalaryn kúsheıtýge týra keledi. Ata-analar men ájeler saıabaqtyń ishindegi attraksıondarǵa tólemaqy tóleýge beıildi. Sondyqtan, Gagarın býlvaryndaǵy sııaqty balalar alańdaryn jabdyqtaý jóninde oılaný kerek», – dedi aımaq basshysy.
Dýman Anash.
Derek, sýret: egemen.kz.
