Reseıdiń jastary Shyǵys óńirindegi demalys lagerine keldi

О́SKEMEN. 28 tamyz. Reseı Federasııasynan «Altaı jastary» halyqaralyq lagerine kelgen qonaqtar ózderiniń áserlerimen bólisti. Bul týraly egemen.kz habarlady. Eki kún boıy reseılik jastar qazaq halqynyń salt-dástúri men mádenıetimen jaqyn tanysady. Atalǵan sharaǵa Reseıdiń Altaı aımaǵy men elimizdiń Shyǵys óńirindegi joǵary oqý oryndarynan 50-ge jýyq adam qatysýda. «Bizdiń basty maqsatymyz – tájirıbe almasý, qazaq halqynyń ulttyq mádenıetimen jete tanysý, eń bastysy, kórshi elmen dostyq baılanys ornatý. Sondaı-aq biz, Shyǵys Qazaqstan oblysynyń jastaryn ózimizge qonaqqa shaqyrǵymyz keledi. Bizdiń memleketterimiz uzaq jyldar boıy barlyq salada áriptestik qarym-qatynasty úzgen emes. Sondyqtan, eki eldiń turǵyndary tyǵyz baılanysta bolýymyz qajet. Al qazir biz shyǵys mádenıetiniń ǵajap úlgilerin kórip, tamsanýdamyz», – dedi Reseıdiń Altaı aımaǵynan kelgen Anna Lazatova. Lagerde jastar túrli semınarlarǵa, jastar saıasaty boıynsha ózekti máseleler qozǵalatyn suhbat alańdaryna, «Fort Boyard» formatyndaǵy sporttyq-zııatkerlik oıyndarǵa, «Holı» boıaý festıvaline jáne ulttyq oıyndar men ózge de sharalarǵa qatysady. Atalǵan baǵdarlama óskeleń urpaq arasyndaǵy etnıkaaralyq qarym-qatynasty nyǵaıtýǵa septigin tıgizbek. Dýman Anash. Derek, sýret: egemen.kz.