Elbasy bar jerde baqyt pen beıbitshilik bar

Ádette, biz jazýshynyń, ǵa­ly­m­­nyń, qoǵam qaıratkeriniń mereı­toıyn atap ótýdi dástúr­ge aınaldyrǵanbyz. Al Mem­leket basshysynyń mereıtoıyn el bolyp atap ótýge daǵ­dy­lan­baǵanbyz. Nege? Ataq-dańqy jer jarǵan, Uly tulǵa bolǵasyn ımenip, ábestik sanaımyz ba? Bulaı oılaýymyz durys dep aıta almaımyn. О́ıtkeni, Prezıdent te biz sııaqty et pen súıekten jaralǵan adam. Onyń ústine Nursultan Nazarbaevtyń Elbasy retinde elimizge sińirgen eńbegi ushan-teńiz. Ony túgeldeı jazyp kórsetýge gazet kólemi kó­ter­meıdi. Sodan da Elbasynyń memleketimiz ben halqymyzǵa sińirgen orasan zor eńbegine sholý ǵana jasaýmen shektelemiz. «Jaqsynyń jaqsylyǵyn aıt, nury tassyn» dep, halqymyz atam zaman­nan beri aıtyp kele jatqa­nyn es­ker­sek, Nursultan Nazar­baev­tyń týǵan halqynyń qa­myn oılap, kúndiz-túni jarǵaq qulaǵy jastyqqa tımeı, jan­kesh­tilikpen eńbek etip kele jatqanyn aıtý – barshamyz úshin zor maqtanysh. Alla taǵa­lanyń bizge bergen úlken syıy Nazarbaev ekenin álemge jar sala, bar daýyspen qanshama ret aıtsaq ta artyq etpeıdi. Memleket basqarý jeńil ju­mys emes. Bile bilgenge, o sheti men bu shetine osy zamanǵy ushaq­pen jetýdiń ózi qıyn, aý­maǵy alpaýyt memleketti, on jeti mıllıon halqy bar eldi bas­qarý túgili, sanaýly ǵana jany bar bir otbasynyń shyrqyn buzbaı, tútinin túzý shyǵarýdy qamtamasyz etýdiń ózi qıynnyń qıyny. Halqymyzdyń baǵyna bola týǵan Uly tulǵa Nursultan Nazarbaevtyń arqa­synda táýelsiz atanǵan jıyr­ma tórt jylda adam aıtsa nan­ǵysyz keremet jetistikterge jetkenimizdi dúnıejúzi moıyndap, bizdiń ozyq isterimizge shyn yqylaspen qol soǵyp otyr. Elimiz Táýel­sizdiktiń jıyrma tórt jylynda ǵasyr­da ǵana júzege asyryla­tyn qyr­ýar jumys­ty tyndyryp, ekonomı­kasy shıkizat qorymen shektelip mesheý qalǵan elden dúnıejúzindegi aldyńǵy qatarly elý eldiń quramyna endi. Elbasymyz Nursultan Nazar­baevtyń «Qazaqstan-2050» Strategııasynda belgilengen álemniń eń ozyq 30 memleketiniń qataryna kirý mindetin oıda­ǵydaı júzege asyrýdy basty maqsat etip alǵa qoıyp otyr. Aıta bersek, bul taýsylmaıtyn, halqymyzdy tabystan-tabysqa jigerlendire, yntalandyra túsetin uly ózgerister. Elbasymyzdyń «Nurly Jol – bolashaqqa bastar jol» baǵdarlamasyndaǵy «Máńgilik El» ıdeıasyn iske asyrý mindeti de árbir qazaqstandyqqa jo­ǵary jaýapkershilik, zor min­det­ter júkteıdi. Osynyń bári Elbasynyń tolǵany­synan, elimizge bolsyn degen izgi nıetinen týǵan mindetter. Biz Saryarqanyń ortasynda boı túzegen, búginde álemniń kórikti de ásem qalasynyń birine aınalǵan Astananyń bas arhıtektory jáne avtory dep Nursultan Nazarbaevty oryndy maqtan etemiz. Shyntýaıtyna kelgende, Nursultan Ábishuly Astananyń ǵana emes, Qazaqstan Respýblıkasy atanǵan alyp mem­lekettiń avtory, bas arhıtektory, bizdiń jetistikterimizdiń uıymdastyrýshysy, dem berý­shisi, kemeńger kósemi. Muny Elbasymyzdyń mereıtoıynda aıtpaǵanda, qashan aıtamyz?! Nursultan Ábishulynyń «Bar­shaǵa arnalǵan qazirgi zamanǵy memleket: 100 qadam  – Ult jospary» atty eńbeginde mem­leketimizdi jańǵyrtýdyń mindet­teri belgilenip, búkil álem aldynda Qazaqstannyń ósý-órleý, jańǵyrý mindetteri keńi­nen jarııa etildi. «Naqty 100 qadamnyń» ár qadamy uly ózgeris­terge toly. Bul memleket­tik qyzmetshilerge ǵana emes biz sııaqty qatardaǵy adamdarǵa da kúrdeli de jaýapty mindetter júkteıdi. Osynaý aýqymdy josparǵa laıyqty úles qosý – úlkenimiz bar, kishimiz bar, barshamyzdyń paryzymyz. Elimiz táýelsizdik alǵaly beri qalamymdy qarý etip, Elbasynyń ustanǵan saıasatyn buqara arasynda nasıhattap kele jatqan qalamger retinde Allaǵa shúkirshilik etetinim: biz­diń alǵa qaraı jyljyǵan Uly kóshimizdiń basynda Nursultan Ábishuly Nazarbaevtyń bolǵany. Qıyn-qystaý kúnderde bizdi adas­tyrmaı, durys jolǵa salǵany. Qudaı onyń betin aýlaq qylsyn, el tizginin bóten bireý ustasa, biz qazirgideı uly jetistikterge jete alar ma edik?.. Nursultan Nazarbaevtyń arqasynda elimizdi mekendegen 130-dan astam etnostyń arasynda bolattaı berik aýyzbirshilik pen ultaralyq tatýlyq ornady. Burynǵy ótken ata-babalarymyz ǵasyrlar boıy arman­daǵan qoı ústine boztorǵaı ju­myrt­­qalaǵan zamanǵa jet­tik. Saıa­sı turaqtylyqtyń, aýyz­birshi­liktiń, tatýlyqtyń arqa­synda elimiz damyp, ekono­- mıkamyz qaryshtap órge basýda. Qazaqstan bul kúnde álem halyqtaryna úlgi-ónege bolyp otyr. Bul da Elbasymyz Nursultan Nazarbaevtyń utym­dy basshylyǵynyń arqasynda múmkin bolǵanyn taǵy da atap ótkim keledi. Bıylǵy jyldyń halqymyzǵa syılaǵan qýanyshy – Qazaqstan Respýblıkasy Dúnıejúzilik saý­da uıymynyń quramyna qabyl­danady, 19 jyl boıy osy Uıymǵa múshe bolýdy kóz­degen elimiz jan-jaqty zertteý­den, aýyr synaqtan abyroıly ótti. Dúnıejúzilik saýda uıymyna múshe 161 memleket tarapynan úlken qoldaýǵa ıe bolǵan Qazaqstan osy Uıym­nyń 162-múshesi boldy. Ústi­mizdegi jyldyń jeltoqsan aıynda elimiz atalǵan Uıymnyń tolyqqandy múshesi retinde sony serpinmen, tyń kúshpen iske kirisedi. Uıymǵa múshe bolǵandyqtan, elimizge álemde joǵary baǵalanatyn sapasy joǵary, baǵasy tómen taýarlar kele bastaıdy. DSU-nyń halqymyzǵa ákeler jaqsylyǵy mol ekenin álem sarapshylary jarysa nasıhattaýda. Bul jóninde Elbasymyz Nursultan Nazarbaev halyqqa arnaǵan Úndeýinde atap ótti. Elimizdiń Tuńǵysh Prezıdenti Nursultan Nazarbaevtyń jan-jaq­ty basshylyǵynyń arqa­synda Qazaqstan qaryshty qadammen alǵa basýda. Álem jurtshylyǵy Nazarbaev dese, Qazaqstan degeni, Qazaqstan dese, Nazarbaev degeni. Taǵy da aıtamyn: bizdiń ómirimizdiń bar sala­synda Nursultan Nazar­baev­tyń atqarǵan róli zor. Nazarbaev bar jerde beıbitshilik te, baqyt ta, kól-kósir jetistikter de bar ekenin dúnıejúzi kórip-bilip otyr. Jasaı ber, bizdi Nurly Jolmen alǵa qaraı bastaı ber, Elbasy! Álmámbet ÁLIShEV, Qazaqstan Jazýshylar odaǵynyń múshesi, Qazaqstannyń mádenıet qaıratkeri. Qyzylorda oblysy, Qazaly aýdany.