Qazaqstan Respýblıkasynyń Zańy

«2015 – 2017 jyldarǵa arnalǵan respýblıkalyq bıýdjet týraly» Qazaqstan Respýblıkasynyń Zańyna ózgerister men tolyqtyrýlar  engizý týraly 1-bap. «2015 – 2017 jyldarǵa arnalǵan respýblıkalyq bıýdjet týraly» 2014 jylǵy 28 qarashadaǵy Qazaqstan Respýblıkasynyń Zańy­na (Qazaqstan Respýblıkasy Par­lamentiniń Jarshysy, 2014 j., №22, 133-qujat) mynadaı ózgerister men tolyqtyrýlar engizilsin: 1) 1, 8, 10 jáne 12-baptar mynadaı redaksııada jazylsyn: «1-bap. 2015 – 2017 jyldarǵa arnalǵan respýblıkalyq bıýdjet tıisinshe 1, 2 jáne 3-qosymshalarǵa sáıkes, onyń ishinde 2015 jylǵa mynadaı kólemderde bekitilsin: 1) kirister – 5 874 940 963 myń teńge, onyń ishinde: salyqtyq túsimder boıynsha – 3 064 822 209 myń teńge; salyqtyq emes túsimder boıynsha – 145 596 084 myń teńge; negizgi kapıtaldy satýdan túsetin tú­simder boıynsha – 9 508 247 myń teńge; transfertter túsimderi boıynsha – 2 655 014 423 myń teńge; 2) shyǵyndar – 6 864 195 556 myń teńge; 3) taza bıýdjettik kredıtteý – 78 361 053 myń teńge, onyń ishinde: bıýdjettik kredıtter – 190 476 745 myń teńge; bıýdjettik kredıtterdi óteý – 112 115 692 myń teńge; 4) qarjy aktıvterimen jasalatyn operasııalar boıynsha saldo – 188 864 239 myń teńge, onyń ishinde: qarjy aktıvterin satyp alý – 189 814 239 myń teńge; memlekettiń qarjy aktıvterin satý­dan túsetin túsimder – 950 000 teńge; 5) tapshylyq – -1 256 479 885 myń teńge nemese eldiń ishki jalpy óniminiń 3 paıyzy; 6) bıýdjet tapshylyǵyn qarjy­landyrý – 1 256 479 885 myń teńge.»; «8-bap. 2015 jylǵa arnalǵan res­pýblıkalyq bıýdjette Aqmola, Al­maty, Aqtóbe, Shyǵys Qazaqstan, Oń­tústik Qazaqstan oblystarynyń ob­lystyq bıýdjetterinen jan basy­na shaqqandaǵy qarjylandyrýdy engizý boıynsha synamalaýdy ótkizý úshin memlekettik jalpyǵa mindetti bilim berý standarttaryna sáıkes orta bilim berý uıymdarynda 10-11 synyptar úshin bilim berý prosesin júzege asyrýǵa kózdelgen shyǵystardy berýge baılanys­ty 528 380 myń teńge somasynda transfertter túsimderi kózdelsin.»; «10-bap. 2015 jylǵa arnalǵan respýblıkalyq bıýdjette Qazaqstan Respýblıkasynyń Ulttyq qorynan Qazaqstan Respýblıkasy Prezıdentiniń Jarlyǵynda aıqyndalǵan maqsattarǵa nysanaly transfert 783 499 999 myń teńge somasynda kózdelsin. Qazaqstan Respýblıkasynyń Ulttyq qorynan nysanaly transfertti bólý jáne (nemese) ony paıdalanýdyń tártibi Qazaqstan Respýblıkasy Úkimetiniń sheshimi negizinde aıqyndalady.»; «12-bap. 2015 jylǵy 1 qańtardan bas­tap memlekettik mekemelerdiń memle­kettik qyzmetshiler bolyp tabylmaıtyn jumyskerleriniń, sondaı-aq jergilikti bıýdjetterden qarjylandyrylatyn memlekettik qazynalyq kásiporyndar jumyskerleriniń laýazymdyq aılyq­aqylaryna erekshe eńbek jaǵdaılary úshin 10 paıyz mólsherinde aı saıynǵy ústemeaqy tóleý belgilensin.»; 2) 15-bapta: mynadaı mazmundaǵy 2-1) tarmaq­shamen tolyqtyrylsyn: «2-1) jergilikti atqarýshy organ­dardyń agroónerkásiptik keshen bólim­shelerin ustaýǵa;»; 12) tarmaqsha mynadaı redaksııada jazylsyn: «12) memlekettik mekemelerdiń memlekettik qyzmetshiler bolyp tabylmaıtyn jumyskerleriniń, son­daı-aq jergilikti bıýdjetterden qar­­jylandyrylatyn memlekettik qazy­nalyq kásiporyndar ju­mys­kerleriniń laýazymdyq aı­lyq­aqy­laryna erekshe eńbek jaǵdaılary úshin aı saıynǵy ústemeaqy tóleýge;»; 13), 15) jáne 21) tarmaqshalar alyp tastalsyn; 26) tarmaqshadaǵy «turǵyn úıin satyp alýǵa 2015 jylǵa arnalǵan aǵymdaǵy nysanaly transfertterdi bólý jáne (nemese) olardy paıdalaný tártibi Qazaqstan Respýblıkasy Úkimetiniń sheshimi negizinde aıqyndalady.» degen sózder «turǵyn úıin satyp alýǵa;» degen sózdermen aýystyrylyp, mynadaı mazmundaǵy 27), 28), 29), 30) jáne 31) tarmaqshalarmen tolyqtyrylsyn: «27) jerdiń paıdalanylýy men qorǵalýyn baqylaý jónindegi ýákiletti organnyń shtat sanyn ustaýǵa; 28) jergilikti atqarýshy organdardyń sáýlet, qala qurylysy, qurylys jáne memlekettik sáýlet-qurylys baqylaýy isteri jónindegi shtat sanyn ustaýǵa; 29) jergilikti atqarýshy organdardyń turǵyn úı-kommýnaldyq sharýashylyq obektileriniń qaýipti tehnıkalyq qurylǵylarynyń qaýipsiz paıdalanylýyn baqylaýdy júzege asyratyn shtat sanyn ustaýǵa; 30) eldi mekenderdi sharýashylyq-aýyz sýmen jabdyqtaý úshin jerasty sýlaryna izdestirý-barlaý jumystaryn uıymdastyrýǵa jáne júrgizýge; 31) azamattyq hal aktilerin tirkeý bólimderiniń shtat sanyn ustaýǵa 2015 jylǵa arnalǵan aǵymdaǵy nysanaly transfertterdi bólý jáne (nemese) olardy paıdalanýdyń tártibi Qazaq­stan Respýblıkasy Úkimetiniń sheshimi negizinde aıqyndalady.»; 3) 16, 17, 22, 25, 26 jáne 28-baptar mynadaı redaksııada jazylsyn: «16-bap. Mynadaı: 1) agroónerkásiptik keshen sýbek­tilerin qarjylyq saýyqtyrý jónindegi baǵyt sheńberinde kredıttik jáne lızıngtik mindettemeler boıynsha paıyzdyq mólsherlemeni sýbsıdııalaý; 2) kásiptik standarttardy ázirleý baǵyttary boıynsha iske asyrylatyn qarajatty bólý jáne (nemese) ony paıdalanýdyń tártibi Qazaqstan Respýblıkasy Úkimetiniń sheshimi negizinde aıqyndalady. 17-bap. Mynadaı: 1) oblystyq bıýdjetterge, As­tana jáne Almaty qalalarynyń bıýd­jetterine turǵyn úı jobalaýǵa jáne (nemese) salýǵa kredıt berý; 2) ınjenerlik-kommýnıkasııalyq ınfraqurylymdy jobalaý, damytý jáne (nemese) jaılastyrý; 3) kommýnaldyq turǵyn úı qorynyń turǵyn úıin jobalaý jáne (nemese) salý, rekonstrýksııalaý; 4) kommýnaldyq turǵyn úı qory­nyń turǵyn úıin satyp alý baǵyt­tary boıynsha iske asyrylatyn О́ńir­­­lerdi damytýdyń 2020 jylǵa deıingi baǵdarlamasy sheńberinde qa­ra­jatty bólý jáne (nemese) ony paı­dalanýdyń tár­tibi Qazaqstan Res­pýb­lıkasy Úkime­tiniń sheshimi negi­zin­de aıqyndalady.»; «22-bap. Qazaqstan Respýblıkasy Úkimetiniń 2015 jylǵa arnalǵan rezervi 317 866 086 myń teńge somasynda bekitilsin.»; «25-bap. 2015 jyly Qazaqstan Respýblıkasynyń memlekettik kepil­dikterin berý lımıti 120 000 000 myń teńge mólsherinde belgilensin. 26-bap. 2015 jylǵy 31 jeltoqsanǵa úkimettik borysh lımıti 6 925 492 122 myń teńge mólsherinde belgilensin.»; «28-bap. 2015 jyly Qazaqstan Respýblıkasy Úkimetiniń memlekettik konsessııalyq mindettemeleriniń lımıti 1 148 280 000 myń teńge mólsherinde belgilensin.»; 4) kórsetilgen Zańǵa 1 jáne 4-qosym­shalar osy Zańǵa 1 jáne 2-qosymshalarǵa sáıkes redaksııada jazylsyn. 2-bap. Osy Zań 2015 jylǵy 1 qań­tardan bastap qoldanysqa engiziledi.