«2015 jylǵy 26 sáýirge taǵaıyndalǵan Qazaqstan Respýblıkasy Prezıdentiniń kezekten tys saılaýynda Qazaqstan Respýblıkasynyń prezıdenttigine kandıdatty qoldap qol qoıý paraqtaryn berýdiń jáne qoldardyń rastyǵyn tekserýdiń merzimderin qysqartý týraly» QR OSK 2015 jylǵy 27 aqpandaǵy №6/266 qaýlysyna sáıkes qol qoıý paraqtaryn Ortsaılaýkom kandıdattyń Qazaqstan Respýblıkasynyń Konstıtýsııasynda jáne «Qazaqstan Respýblıkasyndaǵy saılaý týraly» Konstıtýsııalyq zańynda belgilengen talaptarǵa sáıkestigi tekserilgennen keıin eki kúntizbelik kúnniń ishinde beredi. Osyǵan deıin atalǵan rásimge bes kún beriletin. Sondaı-aq, aýmaqtyq saılaý komıssııalarynyń kandıdatty qoldaıtyn qoldardyń rastyǵyn tekserý merzimi on kúnnen bes kúntizbelik kúnge deıin qysqartyldy. Saılaý komıssııalarynyń atalǵan saılaý rásimderin júzege asyrý merzimderin qysqartý týraly sheshimdi Ortsaılaýkom tek kandıdattardyń múddelerine saı qabyldady jáne bul olar úshin ortaq ýaqyt resýrstaryn ulǵaıtady. * * * Qazirdiń ózinde júzge jýyq sheteldiń buqaralyq aqparat quraldary ókilderi Qazaqstan Respýblıkasynyń prezıdenttik saılaýyna baıqaý júrgize alady. «Qazirgi kezde biz elimizdiń Syrtqy ister mınıstrligimen birlesip, halyqaralyq baıqaýshylar ınstıtýtyn ashtyq, – dedi Ortalyq saılaý komıssııasynyń múshesi Marat Sársembaev osy jóninde. – Halyqaralyq baıqaýshylardyń basym bóligi búginde qujattaryn rásimdeý ústinde». OSK múshesiniń aıtýynsha, Syrtqy ister mınıstrligi deńgeıinde akkredıttelgen shamamen 100-ge jýyq sheteldik BAQ ókilderi bar. Tıisti zańnamaǵa sáıkes, bul jýrnalıster elimizde akkredıttelgendikten, olar qazirdiń ózinde prezıdenttik saılaý barysyn halyqaralyq deńgeıde baıqaýǵa kirise alady. «Al Ortalyq saılaý komıssııasy EQYU, TMD júıesi arqyly keletin baıqaýshylardy tirkeıdi», – dedi ol.
Álısultan QULANBAI,
«Egemen Qazaqstan».
