Qazaqstan Respýblıkasy Memlekettik qyzmet isteri jáne sybaılas jemqorlyqqa qarsy is-qımyl agenttiginiń buıryǵy  №57

2014 jylǵy 11 jeltoqsan, Astana qalasy Memlekettik organdardyń nemese laýazymdy adamdardyń is-áreketterine men sheshimderine tártiptik jaýapqa tartylýshy memlekettik qyzmetshilerimen shaǵym berý Erejesin bekitý týraly Qazaqstan Respýblıkasynyń «Memlekettik qyzmet týraly» Zańynyń 29-baby 2-tarmaǵyna jáne Qazaqstan Respýblıkasy Prezıdentiniń 1999 jylǵy 31 jeltoqsandaǵy № 321 Jarlyǵymen bekitilgen Qazaqstan Respýblıkasynyń memlekettik ákimshilik qyzmetshilerine tártiptik jaza qoldaný Erejesiniń 65-tarmaǵyna sáıkes, buıyramyn: 1. Qosa berilgen Memlekettik organdardyń nemese laýazymdy adamdardyń is-áreketterine men sheshimderine tártiptik jaýapqa tartylýshy memlekettik qyzmetshilerimen shaǵym berý Erejesi bekitilsin. 2. «Memlekettik organdardyń nemese laýazymdy adamdardyń is-áreketterine men sheshimderine tártiptik jaýapqa tartylýshy memlekettik qyzmetshilerimen shaǵym berý Erejesin bekitý týraly» Qazaqstan Respýblıkasy Memlekettik qyzmet isteri agenttigi tóraǵasynyń 2013 jylǵy 25 jeltoqsandaǵy № 06-7/188 buıryǵynyń (Normatıvtik quqyqtyq aktilerdiń memlekettik tiziliminde № 9096 tirkelgen, 2014 jylǵy 8-aqpandaǵy № 27 (28251) «Egemen Qazaqstan» gazetinde jarııalanǵan) kúshi joıyldy dep tanylsyn. 3. Qazaqstan Respýblıkasynyń Memlekettik qyzmet isteri jáne sybaılas jemqorlyqqa qarsy is-qımyl agenttiginiń Memlekettik qyzmet jáne sybaılas jemqorlyq profılaktıkasy departamenti (Á.A. Kómekbaev) osy buıryqty Qazaqstan Respýblıkasy Ádilet mınıstrliginde memlekettik tirkeýdi jáne Qazaqstan Respýblıkasynyń zańnamasynda belgilengen tártippen ony resmı jarııalaýdy qamtamasyz etsin. 4. Osy buıryq alǵash resmı jarııalanǵan kúninen bastap qoldanysqa engiziledi. Tóraǵa Q.QOJAMJAROV. Qazaqstan Respýblıkasynyń Memlekettik qyzmet isteri jáne sybaılas jemqorlyqqa qarsy is-qımyl agenttigi tóraǵasynyń 2014 jylǵy 11 jeltoqsandaǵy № 57 buıryǵymen bekitildi Memlekettik organdardyń nemese laýazymdy adamdardyń is-áreketterine men sheshimderine tártiptik jaýapqa tartylýshy memlekettik qyzmetshilerimen shaǵym berý Erejesi 1. Jalpy erejeler 1. Memlekettik organdardyń nemese laýazymdy adamdardyń is-áreketterine men sheshimderine tártiptik jaýapqa tartylýshy memlekettik qyzmetshilerimen shaǵym berý Erejesi (budan ári - Ereje) «Memlekettik qyzmet týraly» Qazaqstan Respýblıkasy Zańynyń 29-babynyń, sondaı-aq Qazaqstan Respýblıkasy Prezıdentiniń 1999 jylǵy 31 jeltoqsandaǵy № 321 Jarlyǵymen bekitilgen Qazaqstan Respýblıkasynyń memlekettik ákimshilik qyzmetshilerine tártiptik jaza qoldaný qaǵıdalarynyń 65-tarmaǵynyń talaptaryn iske asyrý maqsatynda ázirlengen. 2. Ereje memlekettik organdardyń nemese laýazymdy adamdardyń is-áreketterine men sheshimderine tártiptik jaýapqa tartylýshy memlekettik qyzmetshilerimen (budan ári - qyzmetshi) joǵary turǵan memlekettik organdarǵa, joǵary turǵan laýazymdy adamdarǵa, memlekettik qyzmet isteri jónindegi ýákiletti organǵa (budan ári - ýákiletti organ) shaǵym berý tártibin belgileıdi. 2. Memlekettik organdardyń nemese laýazymdy adamdardyń is-áreketterine men sheshimderine tártiptik jaýapqa tartylýshy memlekettik qyzmetshilerimen shaǵym berý tártibi jáne merzimi 3. Qyzmetshi memlekettik organdardyń nemese laýazymdy adamdardyń is-áreketterine men sheshimderine joǵary turǵan memlekettik organdarǵa, joǵary turǵan laýazymdy adamdarǵa, ýákiletti organǵa shaǵym beredi, egerde: 1) qyzmetshi oǵan qoldanylǵan tártiptik jazamen kelispegende; 2) qyzmetshiniń quqyǵy, bostandyǵy jáne zańmen qorǵalatyn múddeleri buzylsa; 3) qyzmetshi memlekettik qyzmet týraly zańnamanyń buzylýymen tártiptik jaýapqa tartylsa. 4. Qyzmetshiniń ótinishinde onyń tegi, aty, ákesiniń aty (bar bolǵan jaǵdaıda), poshtalyq meken-jaıy kórsetiledi, ótinishke qyzmetshi qol qoıýy ne ol elektrondyq sıfrlyq qoltańbamen kýálandyrylýǵa tıis. Shaǵym jasalǵan kezde is-áreketine shaǵym jasalyp otyrǵan memlekettik organnyń ataýy, laýazymdy adamdardyń tegi jáne aty-jóni, ótinish jasaý sebepteri men talaptary kórsetiledi. 5. Joǵary turǵan memlekettik organǵa, joǵary turǵan laýazymdy adamǵa, ýákiletti organǵa qyzmetshiniń ótinishi Qazaqstan Respýblıkasynyń «Jeke jáne zańdy tulǵalardyń ótinishterin qaraý tártibi týraly» Zańymen belgilengen tártipte qarastyrylady. 6. Qyzmetshi joǵary turǵan memlekettik organǵa, joǵary turǵan laýazymdy adamǵa, ýákiletti organǵa bergen ótinishin sol ótinish boıynsha sheshim qabyldanǵanǵa deıin óziniń jazbasha aryzy negizinde keri qaıtaryp ala alady. Osy Erejeniń 8-tarmaǵymen belgilengen merzimi saqtalǵan jaǵdaıda keri qaıtaryp alynǵan shaǵym qyzmetshini qaıta shaǵym berý quqyǵynan aıyrmaıdy. 7. Memlekettik organdardyń nemese laýazymdy tulǵalardyń is-áreketterine joǵary turǵan memlekettik organǵa, joǵary turǵan laýazymdy adamǵa, ýákiletti organǵa qyzmetshige ony tártiptik jaýapkershilikke tartý týraly sheshim qabyldanǵany týraly belgili bolǵan kezden bastap, bir aıdan keshiktirilmeı shaǵym beriledi. Shaǵym berý merziminiń ótip ketýi memlekettik organǵa nemese laýazymdy tulǵaǵa shaǵymdy qaraýdan bas tartýǵa negiz bolyp tabylmaıdy. Shaǵym berý merziminiń ótip ketý sebepteri shaǵymdy máni boıynsha qaraý kezinde anyqtalady jáne shaǵymdy qanaǵattandyrýdan bas tartýǵa negizderdiń biri bolyp shyǵýy múmkin. 3. Memlekettik organdardyń nemese laýazymdy adamdardyń is-áreketterine men sheshimderine tártiptik jaýapqa tartylýshy qyzmetshilerdiń shaǵymyn qaraý tártibi jáne merzimi 8. Qyzmetshiniń joǵary turǵan memlekettik organǵa, joǵary turǵan laýazymdy adamǵa, ýákiletti organǵa bergen shaǵymy memlekettik organǵa nemese laýazymdy adamǵa kelip túsken kúninen bastap kúntizbelik on bes kún ishinde qaralady. Qosymsha zerdeleý nemese tekserý júrgizý qajet bolǵan jaǵdaılarda, qaraý merzimi kúntizbelik otyz kúnnen aspaıtyn merzimge uzartylady, bul týraly qaraý merzimi uzartylǵan kúnnen bastap kúntizbelik úsh kún ishinde ótinish berýshige habarlanady. 9. Joǵary turǵan memlekettik organdar, joǵary turǵan laýazymdy adamdar, ýákiletti organ óz quzyreti sheginde: 1) shaǵymdy obektıvti, jan-jaqty ári ýaqtyly, qajet bolǵan jaǵdaıda qyzmetshiniń qatysýymen qaraýdy qamtamasyz etedi; 2) qyzmetshiniń buzylǵan quqyqtary men bostandyqtaryn qalpyna keltirýge baǵyttalǵan sharalardy qabyldaıdy; 3) shaǵym qaraý nátıjeleri men qabyldanǵan sharalar týraly qyzmetshige habarlaıdy. 10. Shaǵymdy qaraý nátıjeleri boıynsha mynadaı sheshimderdiń biri qabyldanady: 1) qyzmetshiniń shaǵymyn tolyq nemese ishinara qanaǵattandyrý týraly; 2) osyndaı sheshim qabyldaýdy negizdeı otyryp, qyzmetshiniń shaǵymyn qanaǵattandyrýdan bas tartý týraly; 3) qyzmetshiniń shaǵymynyń máni boıynsha túsinik berý týraly; 4) qyzmetshiniń shaǵymynyń qaraýdy toqtatý týraly. 11. Joǵary turǵan memlekettik organmen, joǵary turǵan laýazymdy adammen, ýákiletti organmen qabyldanǵan sheshimmen kelispegen jaǵdaıda qyzmetshi sol sheshimdi sotqa shaǵymdanýǵa quqyǵy bar. Buıryq Qazaqstan Respýblıkasynyń Ádilet mınıstrliginde 2014 jylǵy 20 qańtardaǵy Normatıvtik quqyqtyq kesimderdi memlekettik tirkeýdiń tizilimine № 10109 bolyp engizildi.