Áskerı qyzmetshiler 5 kólikti qar qursaýynan qutqardy

ASTANA. 12 naýryz. Búgin túnde Astananyń qolaısyz aýa-raıyna qaramastan 83205 áskerı bóliminiń jeke quramy shartty jaýyngerlik daıarlyqtyń joǵarǵy deńgeıine keltirildi. Bólimsheler shoǵyrlaný aýdanynda taktıkalyq-saptyq jattyǵýlaryn ótkizd. Bul týraly BNews.kz habarlady. Qorǵanys mınıstrligi baspasóz qyzmetiniń málimetinshe, oqý-jattyǵý barysynda 83205 áskerı bóliminiń áskerı qyzmetshileri Astana mańyndaǵy Pavlodar tas joly boıynda ornalasqan Bulaqsaı aýylynda qar qursaýynan 5 kólikti alyp shyǵyp, basqa avtokólikterge jol ashty. Atalmysh is-sharanyń maqsaty «jıyn», «dabyl» buıryqtary boıynsha táýliktik narıad pen bólim jeke quramynyń is-qımyldaryn jattyqtyrý bolǵanyn atap ótken jón. Sonymen qatar, kólikterdi parkten shyǵarýdy uıymdastyrý tártibin, park jáne baǵyttarda olardy retteý, marsh jasaý, shtabtyq modýldi kólikter keshenin ornatý. Kólikter marsh aıasynda 1 jáne 2 avtokólik batalondarynyń jáne 4 modýldi dalalyq jyljymaly basqarý pýnktiniń avtokólik tehnıkalary qoldanyldy. Shoǵyrlaný aýdanyna jasalǵan marsh barlyq bekitilgen talaptar men qaýipsizdik sharalaryn saqtaýmen bekitilgen baǵytqa sáıkes atqaryldy. Murat Aıtqoja.