Qazaqstan týy Vetnam jerinde jelbiredi

Parlament Májilisiniń Tóraǵasy Qabıbolla Jaqypovtyń Vetnam Sosıalıstik Respýblıkasyna resmı sapary barysynda Hanoı qalasynda Qazaqstan Respýblıkasy elshiliginiń jańa ǵımaratynyń saltanatty ashylý rásimi ótti. Sharaǵa qazaqstandyq parlamentarııler delegasııasy, Vetnamnyń memlekettik jáne qoǵamdyq uıymdary men dıplomatııalyq korpýstyń ókilderi qatysty. Lentany kesý rásiminen keıin Qazaqstan Respýblıkasy Ánuranynyń saltanatty áýenimen Otanymyzdyń Kók baıraǵy elshiliktiń ústinen kóterildi. Parlament Májilisiniń Tóraǵasy Qabıbolla Jaqypov óz sózinde Qazaqstannyń Vetnamdaǵy elshiliginiń ashylýy taraptardyń eki­jaqty qatynastardy nyǵaıtýdyń jarqyn dáleli bolyp tabylatyny jáne bul elderi­miz­diń erekshe dostyq qarym-qaty­nastarynyń, senimi jáne serik­testiginiń belgisi dep atap ótti. Vetnam Syrtqy ister mınıstriniń orynbasary Býı Than Shon eki el arasyndaǵy dástúrli dostyq qatynastardy atap ótip, Hanoıda Qazaqstan elshiliginiń ashylýy Qazaqstan basshylyǵynyń Vetnammen yntymaqtastyqty damytýǵa shyn nıetiniń dálelin rastap, ekijaqty yntymaqtastyqty odan ári keńeıtý men tereńdetýge qyzmet etetinin atap ótti. Qazaqstan men Vetnam ara­syndaǵy dıplomatııalyq qatynas­tardyń ornaǵanyna 22 jyl boldy. Qazaqstan Prezıdenti Nursultan Nazarbaevtyń Vetnamda  Qazaq­stan elshiligin ashý týraly Jar­lyǵy 2013 jylǵy qarasha aıynda jarııalanǵan, al Vetnamnyń Astanadaǵy elshiligi 2008 jyldan beri óz qyzmetin atqaryp keledi. Qazaqstannyń Vetnamdaǵy elshisi Beketjan Jumahanov Senim gramotasyn Vetnam Prezıdenti Chyong Tan Shangqa 2014 jylǵy 6 naýryzda tapsyrǵan bolatyn. Eki eldiń saýda aınalymy 2014 jyly 271,9 mln. AQSh dollaryn qu­rap, sońǵy 5 jyl ishinde 3 ese art­ty (2009 j. – 88,379 mln. AQSh doll.).