Baqylaý bar jerde bereke bar

“Nur Otan” halyqtyq-demo­kratııalyq partııasy Elbasy, partııa Tóraǵasy N.Á.Nazarbaevtyń erekshe tapsyrmasy boıynsha áleýmettik mańyzy bar memlekettik baǵdarlamalardyń, birinshi kezeńde údemeli ındýstrııalyq-ınnovasııa­lyq damý baǵdarlamasynyń júzege asyrylýyna qatań baqylaý jasaý­da. Búgingi tańda osy baǵyttaǵy eli­mizdegi eń bir eleýli joba – “Batys Eýropa – Batys Qytaı” halyq­aralyq kúrejol qurylysy ekeni barshaǵa aıan. “Batys Eýropa – Batys Qy­taı” halyqaralyq jobasy aıasynda Qyzylorda oblysy aýmaǵynda salynyp jatyrǵan 812 shaqyrym jol boıyna “Nur Otan” HDP-nyń 14 partııalyq baqylaý beketteri qonys tepken. Osy beketterdiń tynys-tirshiligimen tanysýdy maqsat etken “Nur Otan” HDP Tóraǵasynyń birinshi orynbasary Nurlan Nyǵmatýlın Syr aımaǵyna kelip, saparyn “Batys Eýropa – Batys Qytaı” kúrejol quryly­symen tanysýdan bastady. Syr aımaǵynan ótetin 811,7 shaqyrym jol qurylysynyń búgingi tańda aınalma jol salý – 114 shaqyrymǵa, jer tóselimin tóseý – 4712,0 myń tekshe metrge, jol­dyń jaıǵasý qabaty – 94 sha­qyrymǵa, negizgi qabatty ornalas­tyrý – 71 shaqyrymǵa, asfalt­beton­dy jol salý – 48 shaqyrym­ǵa, al joldyń tómengi qabatynyń asfalt tóselimi 21 shaqyrymǵa oryn­­dalǵan. Halyqaralyq qury­lys­qa aınalǵan osy aıtýly joba jergilikti halyqty jumyspen qam­tamasyz etýge zor septigin tıgizip otyr. Búginde tikeleı jol qury­lysynda jumys istep jatqan 4340 adamnyń 2408-i jergilikti turǵyn­dar. Olardyń ortasha aılyq jal­aqy­lary 87,0 myń teńge kórinedi. Halyqaralyq qurylys aımaqtyń ekonomıkasynyń damýyna da súbe­li úles qosýda. Atap aıtar bol­saq, Jańaqorǵan, Shıeli aýdan­darynda shaǵyl tas zaýyttary, Qy­zylorda qalasynda bıtým zaýy­ty salynyp, paıdalanýǵa berildi. Sondaı-aq merdigerler 17 asfalt-beton zaýy­tyn jol boıyna ornalastyrýǵa tıis bolsa, sonyń búgingi kúni 7-ýi jumys istep tur. Qurylys basynda bas jáne qosalqy merdigerlerdiń 196 jol-qurylys tehnıkalary toqtaýsyz jumys jasaýda. “Batys Eýropa – Batys Qy­taı” halyqaralyq kólik dálizindegi joǵarydaǵy jumystarmen, sondaı-aq partııalyq baqylaý beketteriniń jumystarymen egjeı-tegjeıli tanysqan N.Nyǵmatýlın: – Elbasymyz, partııamyzdyń Tór­­aǵasy Nursultan Ábishuly Na­zarbaevtyń tikeleı tapsyrmasyna sáıkes “Batys Eýropa – Batys Qy­taı” halyqaralyq qurylys jobasy bastalǵan kúnnen elimizdiń barlyq aımaǵynda partııalyq ba­qy­laý beketteri quryldy. Baqylaý beketteri tapsyrmanyń ýaqtyly oryndalýyn, qarjynyń maqsatty jumsalýyn qadaǵalap qana qoımaı, eńbek zańdylyǵynyń saqtalýyn qatań baqylaýǵa alyp otyr. Par­­tııalyq qatań baqylaýdyń nátı­jesinde qazirdiń ózinde jergilikti jumysshylardyń kóptegen tol­ǵaqty máseleleri óz sheshimderin tapty deýge ábden bolady, – dedi. N.Nyǵmatýlın sapary bary­synda “Nur Otan” HDP-nyń Qy­zyl­orda oblastyq fılıalynyń bas­taýysh partııa uıymy tór­aǵa­lary­men kezdesý ótkizdi. Jıynǵa bastaýysh partııa uıym­darynyń tóraǵalary men oblystyq jáne aýmaq­tyq partııa fılıaldary tóraǵalarynyń birinshi orynba­sar­lary qatysty. Jıynda sóz alǵan N.Nyǵmatýlın partııanyń negizgi kúshi sanatyna jatatyn bastaýysh partııa uıymdarynyń qazirgi tynys-tirshilikteri men alda turǵan mindetteri jaıly baıan etti. – О́zderińiz bilesizder, – dedi óz sózinde N.Nyǵmatýlın, – El­basymyz, “Nur Otan” HDP-nyń Tóraǵasy Nursultan Ábishuly Nazar­baev aldaǵy 10 jyldyq damý baǵyttaryn kórsetken tarıhı Joldaýda aıtylǵan mańyzdy jobalardy, josparlardy júzege asyrýda “Nur Otan” partııasyna úlken senim artyp otyr. Sonyń ishinde bastaýysh partııa uıym­darynyń alar orny da erekshe. N.Nyǵmatýlın óz sózinde par­tııanyń Qyzylorda oblystyq fı­lıaly jumysynda kemshilikterdiń de joq emes ekenin ashyq aıtty. Mysaly, partııanyń “Qoǵamdyq qabyldaý” bólimderine halyqtar tarapynan ótinishter tolassyz túsýde. Aǵymdaǵy jyldyń ótken 7 aıynda respýblıka boıynsha “Qoǵamdyq qabyldaý” bólimderine 41 myńnan astam adamdardan ótinishter kelip túsken. О́kinishke qaraı, osyndaı tıimdi jumys tásili Qyzylorda oblysynda oıdaǵydaı iske asyrylmaı otyr. Sondaı-aq sońǵy eki jylda partııanyń múshe­lik jarnalaryn jınaý da óz deń­geıinde emes. Oblysta partııalyq ishki tártipti saqtaý máselesi de erekshe nazar aýdartady. Syr aı­maǵynda jyl basynan beri 15 adam sybaılas jemqorlyq sal­darynan partııa qatarynan shyǵarylǵan. Kadrlar tańdaýda da keleńsizdikter joq emes. Jıyn sońynan N.Nyǵmatýlın partııanyń oblystyq fılıalynyń “Qoǵamdyq qabyldaý” bóliminde birqatar oblys turǵyndaryn qabyldady. “Nur Otan” halyqtyq demokra­tııalyq partııasy tóraǵasy birinshi orynbasarynyń Syr aımaǵyna sapary barysynda Qyzylorda oblysynyń ákimi, “Nur Otan” HDP Qyzylorda oblystyq fı­lıaly saıa­sı keńesiniń bıýro múshesi B.Qýan­dyqov, “Nur Otan” HDP Qyzyl­orda oblystyq fılıalynyń tór­aǵasy, oblystyq máslıhat hatshysy N.Qudaıbergenov birge boldy. Erkin ÁBIL. Qyzylorda.