Álem nazaryndaǵy máseleler sóz boldy

Keshe Qazaqstan Respýblıkasy Parlamenti Májilisi Tóraǵasynyń orynbasary Jánibek Káribjanov Birikken Ulttar Uıymynyń arnaıy ókili, Ortalyq Azııa memleketterine arnalǵan preventıvtik dıplomatııa­nyń óńirlik ortalyǵynyń basshysy Mıros­lav Enchany qabyldady, dep habarlady Májilistiń baspasóz qyzmeti. Kezdesýde álem qaýymdastyǵy er­ekshe atap ótip otyrǵan, keshe Astanada bolǵan Halyqaralyq ıadrolyq synaq­tarǵa qarsy is-qımyl kúnine arnalǵan halyqaralyq konferensııa jóninde aıtyldy. О́tken jyly Qazaqstan Res­pýblıkasynyń Prezıdenti Nursultan Nazarbaevtyń bastamasy boıynsha 29 tamyz Iаdrolyq synaqtarǵa qarsy is-qımyldyń halyqaralyq kúni bolyp bel­gilengeni jáne bul týraly BUU Bas As­sambleıasynyń qarary qabyl­dan­ǵa­ny málim. Osy oraıda kezdesýde Qa­zaq­­stan Prezıdenti Nursultan Nazar­baev­tyń jáne BUU Bas hatshysy Pan Gı Mýnnyń ústimizdegi jyly elimizge kelgen sapary, burynǵy polıgon aı­maǵynda bolyp, álem qaýymdastyǵyn tolyq ıadrolyq qarýsyzdaný jolynda aıtqan pikirleriniń mańyzdylyǵy týraly oı qozǵaldy. Qazaqstannyń EQYU-ǵa tóraǵalyq etýi kezinde beıbitshilikti nyǵaıtý, qaý­ipsizdikti saqtaý, daýly máselelerdiń sheshilýine yqpal etý jónindegi oılar ortaǵa salyndy. Qazaqstan osy má­se­lelerdiń oń sheshimin tabý úshin bas­qa da halyqaralyq bedeldi uıymdar­men birlesip qyzmet atqaratyny anyq. Qyrǵyzstannyń saıası-ekonomıka­lyq jaǵdaıyn turaqtandyrý úshin olar­dyń ózderi eldiń damý jolyn aı­qyn­dap alýy qajet ekeni aıtyldy. Kúr­deli jaǵdaıdan shyǵyp ketý úshin qyr­ǵyz eline gýmanıtarlyq kómek kór­setýdiń mán-jaıy sóz boldy.