Turaqty damý men ósý synaqtary

Talǵat JUMAǴULOV – Venadan. Astana Sammıti qarsańynda Venada ótip jatqan EQYU Sholý konferensııasy ekinshi bóliminiń kún tártibinde 19 qazanda daǵdarys kezeńindegi ekonomıkalyq-ekolo­gııa­lyq salalardyń mańyzy, son­daı-aq Uıym óńirinde qaýipsizdikti nyǵaıtýda jahandyq synaqtarǵa qar­sy turý maqsatyndaǵy ynty­maq­tastyqty damytý jáne onyń joldaryn izdestirý taqyryptary tur. Munyń ózi EQYU-ǵa qaty­sý­shy memleketter ekonomıkalyq-eko­logııalyq ólshemderde qol jet­kiz­gen nátıjelerdi sholýdyń ma­ńyz­dylyǵyn kórsetse kerek. Qazaqstan dıplomaty Erbolat Sem­baev atap kórsetkenindeı, “Uı­ym aıasynda Bonn qujatynan bas­tap strategııalyq mańyzy zor Ma­as­trıht qujatyna deıin osy eki saladaǵy qazirgi bar qaǵıdattar men mindettemelerdi EQYU músheleri­niń oryndaýyna sholý júrgizý aı­ryqsha qajet”. Bul turǵyda energe­tıkalyq qaýipsizdik, kóshi-qon, tu­raqty damý jáne kólik qaýipsizdigi sekildi salalardaǵy birlesken ju­mysty nyǵaıtý múmkindikterin qa­rastyrý kerek. Al bul taqyryptar bıylǵy jyly EQYU-nyń ekono­mı­kalyq jáne ekologııalyq fo­rý­mynyń taqyryby bolyp tabylady. Ekonomıkalyq-ekologııalyq pro­blemalardyń EQYU qyzmetin­degi basqa baǵyttarǵa múmkin bo­la­tyn yqpalyn, sondaı-aq sybaılas jemqorlyqpen kúres jáne laıyq­ty basqarý, las aqshalardy tazalaý men lańkestikti qarjylandyrý se­kildi salalar arasyndaǵy tyǵyz baı­­lanysty eskere otyryp, jańa sy­naqtarǵa, sonyń ishinde trans­ulttyq sıpattaǵy synaqtarǵa tıimdi qarsy turý birlesken jumysty qajet etetini atap ótildi. EQYU-nyń ekonomıkalyq já­ne ekologııalyq qyzmetiniń úı­les­tirýshisi Goran Svılanovıch jańa sy­naqtarǵa barlyq ólshemderdi qam­tı otyryp, qarsy turý jol­da­ryn izdeýdiń mańyzdy ekendigin atap kórsetti. “Ekonomıkalyq-eko­logııalyq ólshem EQYU-nyń yn­ty­maqtastyqqa negizdelgen qaýip­siz­dikke degen jalpyǵa ortaq kóz­qarasynyń árdaıym ajyraǵysyz bóligi bolyp keldi”, dedi ol. Shynynda da jahandyq ekono­mı­kalyq daǵdarys kezeńinde qaı kezdegige qaraǵanda da halyqaralyq jáne óńirlik uıymdar, sondaı-aq úkimettik emes qurylymdar men is­ker­lik toptar arasyndaǵy ynty­maq­­tastyqtyń EQYU óńirinde ór­kendeý men turaqtylyq úshin aı­ryq­sha máni bar ekeni erekshe ótkir kórindi. Múshe memleketterdiń mindettemelerin oryndaýy men ekonomıkalyq-ekologııalyq qyz­­metti nyǵaıtý maqsatynda alǵa il­gerileý joldaryn anyqtaýyn sholý búgingi tańda aıryqsha ózekti bolyp tabylady. 26 qazanǵa deıin sozylatyn Sho­lý konferensııasynda qarasty­ry­lyp jatqan ekonomıkalyq ta­qy­ryp móldirlikti arttyrý, sy­­baı­las jemqorlyqpen, las aqshany ta­za­laýmen jáne lańkestikti qarjy­lan­dyrýmen kúresti kúsheıtý joly ar­qyly laıyqty basqarýdy nyǵaı­tý; kólik jáne energetıkalyq qaý­ipsizdik; kóshi-qon; tehnologııalyq ınnovasııa men jańǵyrtýdy damytý arqyly turaqty damý men ekono­mı­kalyq ósýdi qamtamasyz etý; son­­daı-aq áleýmettik damý másele­lerin qamtıdy. Astana Sammıti qarsańynda ma­ńyzdylyǵyna aıryqsha mán berilip otyrǵan osy sharanyń ekologııalyq bóligi barysynda ekonomıkalyq bas­qarý maqsatyndaǵy áleýetti ny­ǵaıtý; qorshaǵan ortany qorǵaý; ta­bıǵat resýrstaryn turaqty paı­da­laný jáne ony basqarý; qorshaǵan ortanyń lastanýyna, jer resýrs­ta­rynyń búlinýine jol bermeý; eko­logııalyq táýekelder, tabıǵı jáne tehnogendik apattar taqyryptary talqylanatyn bolady. Sholý konferensııasynyń bu­ǵan deıin ótken birinshi bóliminiń já­ne qazir Venada bolyp jatqan ekinshi bólimniń qorytyndylary 1-2 jeltoqsanda bolatyn EQYU Sam­­mıtiniń barysyndaǵy pikir­ta­las­qa negiz qalaıtyny sózsiz.