2015 jyly qaýipti aımaqtarda 135 jýrnalıst qaza tapty

ASTANA. 5 qańtar. 2015 jyly qaýipti aımaqtarda júrgen 135 jýrnalıst sodyrlar qolynan qaza tapty. Bul týraly TASS aqparat agenttigine silteme jasaǵan egemen.kz tilshisi habarlady. Press Emblem Campaign jasaǵan tizimde jýrnalıstıka mamandary úshin eń qaýipti aımaq – Sırııa eli. Bul mańaıda ótken jyly 13 tilshi mert bolǵan. Tizimdi ári qaraı Irak pen Meksıka jalǵastyryp tur. Málimet boıynsha, bul elderde ótken jyly 10 jýrnalısten qaza tapqan. Sondaı-aq, Fransııada Charlie Hebdo basylymyna shabýyl jasalǵaly beri 9 tilshi kóz jumǵan. Al Brazılııa, Lıvııa jáne Fılıppınde – 8, Gondýrasta – 5 odan bólek, Ýkraına men Kolýmbııada 4 tilshiden qaza tapqan. 2006 jyldan beri Press Emblem Campaign jyl saıyn qyzmet barysynda mert bolǵan jýrnalıster tizimin jarııalap turady. Olardyń aıtýynsha, atalǵan jyldan búginge deıin BAQ ókilderiniń 1 myń 184 qyzmetkeri kóz jumǵan. Iаǵnı, ár jyl saıyn 118 tilshi qaza tabady degen qorytyndyǵa keledi. Alaıda, RES sońǵy tórt jyl ishinde bul kórsetkish 136-ǵa jetkenin aıtty. Al jeltoqsannyń 14 kúni bergen málimetterin qaıta ózgertýlerine týra keldi. Sebebi, 31 jeltoqsanǵa deıin 7 birdeı tilshi qaýipti aımaqta mert bolyp, 2015 jyly qaza tapqandar sany 135 adamǵa jetken. Bıyl bul kórsetkish budan da artýy múmkin degen boljam bar. Aıan Ábdýálı. Derek, sýret: TASS.