Almatyda jol apatynan 1 adam qaza taýyp, 4 adam jaraqat aldy

ASTANA. 5 qańtar. Almatyda, Ile traktiniń boıynda, «Juldyz» shaǵyn aýdanyna jaqyn jerde jol-kólik oqıǵasy oryn aldy. Saldarynan 1 qyz bala qaza taýyp, 4 jolaýshy jaraqat aldy. Bul týraly ras.kz habarlady. Apatqa Almatynyń osy aýmaǵynda jaýyp jatqan jańbyrdan keıin joldyń taıǵanaq qalypqa kelýi sebepkerlik etken. «Jol boıynda Toyota Camry kóliginiń júrgizýshisi aldyndaǵy KamAZ-dan ozyp ketpekshi bolady. Biraq aıdaýshy tizginge ıe bola almaı, trassanyń qarsy baǵyty jaǵyna shyǵyp ketedi. Sol kezde ol osy joldyń boıymen kele jatqan Toyota Vista avtomobılimen betpe-bet soqtyǵysady», delingen habarlamada. Nátıjesinde Toyota Camry mashınasynyń kabınasynda otyrǵan jolaýshy qyz oqıǵa bolǵan jerde birden qaza tapty. Kóliktiń japyrylyp ketken salonynan jolaýshylardyń bárin qutqarýshylar shyǵarady. Taǵy tórt jolaýshy aýrýhanaǵa jatqyzylady. Soqtyǵysqannan birneshe sekýnd keıin kólik jana bastaıdy. Ony kórýshiler órt sóndirý qyzmeti kelgenshe otty ózderi sóndirip, zardap shekkenderge kómektesedi. Talǵat Raıymbek. Derek, sýret: ras.kz.