Aqtóbede mereke kúnderi 184 sábı ómir esigin ashty

AQTО́BE. 5 qańtar. Aqtóbede 31 jeltoqsan men 3 qańtar aralyǵynda 184 bala dúnıege keldi. Onyń 101-i – er, 83-i – qyz bala. Bul týraly egemen.kz tilshisi habarlady. Nárestelerdiń arasynda bir egiz bar. Shalqar qalasynda egiz sábıin tolǵatqan áıeldi oblys ortalyǵyna jetkizý úshin sanıtarlyq avıasııa mamandary aýa raıynyń qolaısyzdyǵyna qaramastan aýdanǵa attandy. Jańa jyl ádette otbasylyq mereke bolyp esepteledi. Sondyqtan árkim jańa jyldy otbasynda ádemi qarsy alýǵa asyǵady. Al qyzmet babymen ony jumys oryndarynda qarsy alatyndar da bar. Solardyń ishinde adam janynyń arashashysy aq halatty abzal jandardyń orny bólek. Dúnıe esigin aıǵaılap ashatyn sábılerdi qabyldap alatyn kindik sheshe – dárigerler eńbegi zor. Mine, jańa jyldyń úsh kúninde osynshama perzenttiń kindigin kesken aq jeleńdilerge alǵystan basqa aıtarymyz joq. «Tólbasylardyń» deni saý bolyp, artynan ergen izbasarlary kóbeıe bergeı degen tilek kókeıge oralady. Satybaldy Sáýirbaı. Derek: egemen.kz. Sýret: vk.com.