Almatyda tiri maımyldar qymbat baǵamen satylýda

ASTANA. 5 qańtar. Almaty turǵyndary Meshin jylyn tiri maımylmen qarsy alýdy qup kórgendikten zoodúkenderden olardy jappaı satyp alýda. Bul týraly almaty.tv habarlady. Búginde ZOO dúkenderdiń bıznesi qyzyp tur. Baǵasy kóliktiń qunymen para-par maımyldardy qaltalylar jappaı satyp alýda. Almatydaǵy ZOO dúkenderdiń birindegi toǵyz aılyq meshin Afrıka qurlyǵynan jetkizilgen. Maımyldardyń «Lorrı» degen tuqymyna jatady. Dúken satýshylarynyń aıtýynsha, osy maımyldyń 8-i bir aı ishinde satylǵan. Munyń quny shamamen 320 myń teńgeni quraıdy. «Bul maımyl kóbine túnde tamaǵyn taýyp jep, qydyrǵandy qalaıdy. Jalpy, satylymǵa túsken maımyldardyń ishinde «Lorrı» eń arzany. Myna judyryqtaı ǵana «Igrýnka» atty maımyldyń quny 1500 dollar. Urǵashy-erkegin birdeı bir mıllıon teńgege jýyq aqshaǵa satyp alǵan turǵyn jasyl qaǵazdardy sytyrlatyp sanap berdi», – dedi dúken satýshysy. Al Almaty qalasynyń turǵyny Olga Andreıanova: «Birinshiden - meshin jyly. Meshin jaqsylyq ákeledi degen yrymǵa senemiz. Ekinshiden -balalaryma syılaǵym keledi. Úshinshiden - bizde ózimizdiń kishigirim tálimbaǵymyz bar. Sondyqtan myna kishkentaı maımyldyń ekeýin aldym», – deıdi. Aıta keteıik, bıznesi júrip turǵan dúken ıesi satyp alýshylarǵa maımyldardy kútip-baptaýdyń ádisin úıretip beredi. «Maımyl óte názik, sondyqtan ony asyraý úshin aldymen jaǵdaı jasaý kerek. Tamaq talǵamy da joǵary, jıi ózgertip turý kerek. Jándikterdi de jegizgen jaqsy. Iаǵnı, tabıǵı jaratylysyndaǵy taǵamdaryn berýge tyrysý kerek. Olardyń aınalasyna degen qyzyǵýshylyǵy óte joǵary»,- dedi ZOO dúkeniniń satýshy-keńesshisi Elena Potapenko. Afrıka elderinen basqa malazııalyq maımyldarǵa da suranys joǵary. Suranystyń kóptiginen maımyldardy ákelip úlgere almaı jatqandaryn aıtady satýshylar. «Lapýnder» -2500, «Iаvandyq makaka» -2800, «belarýsstyq qyzyl meshinniń quny» – 5000 dollardan asyp túsedi eken. Al úılerinde ıt pen mysyq asyraýdan jalyǵa bastaǵan jandar sońǵy kezde qunynyń qymbattyǵyna qaramastan, tańsyq ańdardy asyraýǵa kóshken. Talǵat Raıymbek. Derek, sýret. almaty.tv.