Twitter jazba mátinin 10 myń sımvolǵa deıin kóbeıtpek

ASTANA. 6 qańtar. Twitter áleýmettik jelisi aldaǵy ýaqytta shekteýli sımvoldyq belgilerin 10 myńǵa deıin uzartýdy josparlady. Bul týraly Re/code portalyna silteme jasaǵan egemen.kz tilshisi habarlady. Portaldyń habarlaýynsha, kompanııa basshylyǵy bul jospardy 2016 jyldyń ortasyna deıin júzege asyrýdy aldaryna maqsat etip qoıǵan. Alaıda, AQSh-tyń San-Fransısko qalasynda ornalasqan kompanııanyń shtab-páteri bul aqparat jóninde resmı málimdeme taratqan joq. Qazirgi kezde habarlamanyń uzaqtyǵy 140 nyshanǵa ǵana laıyqtalǵan. Eger atalǵan jospar júzege asar bolsa, Twitter basshylyǵy bul tujyrymdamany aýyspaly kezeń úshin Beyond 140 dep ataıdy. Aıta keteıik, kompanııa basshylyǵynyń shekteýli sımvoldyq belgilerdi uzartatyny týraly 2015 jyldyń qyrkúıek aıynda belgili bolǵan. Biraq joba osy jyldyń ortasyna deıin iske asyrylady dep kútilýde. Twitter – shaǵyn mátindik jazbalar jazýǵa arnalǵan veb-saıt nemese júıe. 140 sımvolǵa deıingi aralyqta qysqa ári nusqa jazba qaldyrýymen erekshelenedi. 2006 jyldyń shilde aıynan beri qyzmet etip keledi. Aıan Ábdýálı.        Derek: Re/code. Sýret: rutwitter.com.