AQSh soty terrorızm qaýpi úshin ózbek jigitin 25 jylǵa sottady

ASTANA. 10 qańtar. AQSh-tyń Aıdaho shtatynyń federaldy soty О́zbekstan azamaty Fazlıddın Qýrbanovtyf terrorlyq uıymǵa qoldaý kórsetkeni jáne jarylǵysh zattardy saqtaǵany úshin 25 jylǵa sottady. Bul týraly ras.kz habarlady. «Fazlıddın Qýrbanov «О́zbekstan ıslam qozǵalysy» uıymyna materıaldyq qoldaý kórsetýge kelisim berip, áreket jasaǵany jáne Amerıka terrıtorııasynda terakt jasaý maqsatynda bombalardy jınastyratyn materıaldar satyp alǵany úshin sottaldy», - dep málimdedi AQSh bas prokýrorynyń ulttyq qaýipsizdik jónindegi kómekshisi Djon Karlın. «AQSh soty jasy 33-tegi Qýrbanov 2015 jylǵy tamyzda aıypty dep tapty. Ol kesimdi merzimin ótep bolǵannan keıin otanyna qaıtarylady», - dep atap kórsetti AQSh ádilet mınıstrliginiń ókili. Prokýrorlar aıyptyǵa belgilengen jazaǵa qanaǵattanǵandyqtaryn bildirdi. Qýrbanov 2013 jylǵy mamyr aıynda ustalǵan. Buǵan FBR-diń ony elektrondy poshta jáne Skyp arqyly birqatar elderde, sonyń ishinde О́zbekstan men AQSh-ta ekstremıstik top retinde tanylǵan «О́zbekstan ıslam qozǵalysy» ókilderimen jazysqan hattarynyń mazmunymen tanysyp otyrýy sebep boldy. Ol hat almasý barysynda óziniń AQSh-qa jaýlyqpen qaraıtynyn, endi qoldan bomba jınap, olardy Aıdoha jáne Tehas shtattarynda iske qosý nıeti bar ekenin bildirgen. Talǵat Raıymbek. Derek, foto: ras.kz.