ASTANA. 11 qańtar. Qazaqstanda azamattardy shaqyrý ýchaskelerine tirkeý bastaldy. 2016 jyldyń qańtary men naýryz aıy aralyǵynda 1999 jyly týylǵan 100 000-ǵa tarta qazaqstandyq áskerı esepke alynady. Bul týraly egemen.kz tilshisi habarlady.
Tirkeý jergilikti atqarý organdarymen qorǵanys isteri jónindegi basqarmalar arqyly júzege asyrylady. Olardyń sheshimi boıynsha azamattardy medısınalyq kýálandyrýdan ótkizý úshin medısınalyq komıssııa qurylady.
QR QK Bas shtaby Uıymdastyrý-jumyldyrý jumystary departamentinde túsindirgendeı, tirkeýge alý azamattardy áskerı esepke qoıý, olardyń sanyn, bilim deńgeıi men dene daıarlyǵyn, áskerı qyzmetke jaramdylyq dárejesin anyqtaý úshin uıymdastyrylyp, ótkiziledi. Medısınalyq kýálandyrýdan ótý barysynda densaýlyq jaǵdaıy boıynsha shamaly shekteýler anyqtalǵan bozbalalarǵa tıisti emdeý mekemelerine joldamalar beriledi. Ol jerde jetkinshekter densaýlyqtaryn qalpyna keltire alady.
Sonymen qatar tirkeýge alý úrdisinde Qazaqstan men shetel memleketteri Qorǵanys mınıstrliginiń joǵary oqý oryndaryna oqýǵa túsý jóninde úgit-nasıhat jumysy júrgiziledi. Bozbalalarǵa áskerı joǵary oqý oryndaryn, Kadet korpýsyn támamdaǵannan keıingi kemeldi keleshek týraly aıtyp beredi. Áskerı oqý oryndarynda oqýǵa nıet bildirgender men jaramdylar anyqtalady.
Sonymen birge tirkeýge alý patrıottyq tárbıe berý sıpatyna ıe. Bozbalalarǵa áskerı kásip pen áskerı qyzmetshilerdiń arnalýy, Qazaqstannyń qazirgi zamanǵy Qarýly Kúshteriniń jetistikteri men damýy, áskerı qyzmetshilerimizdiń halyqaralyq iri aýqymdy oqý-jattyǵýlar men bitimgershilik operasııalarǵa qatysýy men sáttilikteri týraly aıtyp beredi.
Dastan Kenjalın.
Derek, sýret: Qazaqstan Respýblıkasy Qorǵanys mınıstrligi.
