Qazaqstan damý banki avtokólik óndirisine 11 mlrd. teńge bóledi

ASTANA. 11 qańtar. «Nurly jol» Jańa ekonomıkalyq saıasaty aıasynda «Qazaqstannyń Damý banki» AQ Ulttyq qor qarajaty esebinen qazaqstandyq kólik qurastyrý kásiporyndaryn qoldaýǵa 11 mlrd teńge bóledi. Bul týraly egemen.kz tilshisi habarlady. Bul qarajat adamdarǵa Qazaqstanda qurastyrylǵan avtokólikterdi satyp alýǵa nesıe berýi úshin tórt kommersııalyq bankke baǵyttaldy. Azamattar kólikti nesıe arqyly mynadaı shartpen satyp alady. Iаǵnı, nesıe eń kóbi 5 jylǵa teńgemen beriledi. Eń qymbat avtokólik 9 000 000 teńge turady. Avtonesıeler tizbesi Ekonomıkasyn jańǵyrtý jónindegi memlekettik komıssııasymen bekitilgen «Qazaqstan Halyq banki» AQ (3 mlrd teńge),  «Eýrazııalyq Bank» AQ (3 mlrd teńge), «Sberbank Rossıı» AQ EB (3 mlrd teńge), «Bank Sentr Kredıt» AQ (2 mlrd teńge). bankter arqyly beriledi. Qaryz alýshylarǵa «SaryarqaAvtoProm» JShS jáne «AZIIа AVTO» AQ kásiporyndarynda qurastyrylatyn «Kia», «Toyota», «Chevrolet», «Skoda», «Hyundai» jáne basqa da kóliktekterdiń 37 modeli usynylady. Dastan Kenjalın. Derek, sýret: egemen.kz