Jospar jaıy talqylanǵan keńes

Jumysyń júıeli bolmaı, isiń bir eli alǵa jyljymaıdy. Naq­­ty josparyń, baǵyt-baǵdaryń, damý jolyń bolmasa, órkenıettiń jalyna jarmasa almaısyń. Qara­paıym adamnyń ózi kúndelikti tirshiligin josparlap otyrady. Sol sekildi, memleket te aldyna meje qoıady. Ony baǵyndyrady. Jospar oryndalǵan soń kelesi bıikti kózdeıdi. «Bes jyldyǵyn oı­la­maǵan erkekten bez» degendeı, bizdiń babalarymyz osyny meń­zese kerek. Byltyr Elbasy «100 naqty qadamyn» jarııalap, 5 ınstıtýttyq reformanyń jolyn kórsetti. Bıylǵy jyldyń alǵashqy kúnderinde ómirimizge úlken ózgerister ákeletin jumys­tyń jaı-japsaryn, qalaı at­qarylmaǵyn tápsirlep berdi. Al Qyzylorda oblysy elimizde eń birinshi bolyp «100 naqty qadam» Ult Josparyn júzege asyrý boıynsha keńeıtilgen semınar-keńes ótkizdi. Aımaq basshysy Qyrymbek Kósherbaev pen jergilikti jáne aýmaqtyq organdardyń qatysýymen ótken semınar-keńeste Elbasynyń «100 naqty qadam» Ult Josparyn júzege asyrý boıynsha jospar­lanǵan sharalar barysy qaraldy. Keńeste sóz alǵan oblys áki­mi otandyq jáne sheteldik sarapshylardyń qa­tysýymen jasalǵan Ult Jos­pa­rynyń strategııalyq mańyzyn aıryqsha atap ótti. – «100 naqty qadam» Ult Jospary ortalyqta ǵana jú­zege asyp, Úkimet deńgeıinde ja­­ýaptylyq júkteletin reforma emes. Bul – búkil qazaq­standyqtardyń isi. Bul iske bir adamdaı jumylýymyz qajet. Barlyq memlekettik organdardan, qoǵamdyq ınstıtýttar men azamattardan is-qımyldyń úılesimdiligi, tabandylyq, kreatıvtilik jáne qajyrlylyq talap etedi, – dedi Qyrymbek Eleýuly. Semınar-keńeske qatysýshy salalyq uıymdardyń basshylary zańnamaǵa engiziletin ózge­rister týraly baıandady. 5 ıns­tıtýttyq reformadan týyndaıtyn Ult Jospary memleket jáne qoǵam ómirindegi eń mańyzdy salalardy qamtıdy. Máselen, memlekettik qyzmette birqatar ózgerister oryn alady. Burynǵy «Memlekettik qyzmetshilerdiń Ar-namys» kodeksiniń ornyna «Memlekettik qyzmetshilerdiń etıka kodeksi» jasaldy. Bul qujatta memlekettik qyzmetshiniń syrtqy kelbeti men moraldyq-rýhanı qasıetteri jáne júrip-turýy men qoǵammen baılanys normalary qarastyrylǵan. Memlekettik qyzmetke ornalasý, mansaptyq ósýi, olardyń eńbekaqysynda da bir­shama ózgerister bar. Engizilgen ózgeristerdiń qatarynda ádep boıynsha keńester jáne ádep jónindegi ýákil laýazymy paıda boldy. Bul laýazymǵa ujym ishinde bedeldi, bilimdi qyzmetker taǵaıyndalady. Ulttyq ekonomıka mı­­­­nıs­tr­­liginiń Qurylys, tur­ǵyn úı-kommýnaldyq sharýashylyq isteri jáne resýrstaryn basqarý komıtetiniń Jerge ornalastyrý, geodezııa jáne jer qatynastaryn damytý basqarmasynyń basshysy Ardaq Samambetov aýyl sharýashylyǵy baǵytyndaǵy jer­lerdi jekeshelendirý týraly áńgimeledi. «Paıdalanylmaı turǵan jer ýchaskelerin naryqtyq aınalymǵa engizý jaýapty jal­ǵa alýshylardyń múddelerin qor­ǵap, bos turǵan jer telimderin tıim­di paıda kózine aınaldyrýǵa múmkindik beredi», – dedi ol. – Osyndaı aýqymdy semınar-keńesti uıymdastyrǵany úshin oblys basshylyǵyna alǵy­­sym­dy aıtamyn. Búgingi sharanyń qorytyndysy boıynsha osyndaı semınarlardy basqa da óńirlerde ótkizý týraly usynystar aıtylatyn bolady, – dedi Ardaq Samambetov. Sonymen qatar, basqarma basshysy memleketaralyq, respýb­lıkalyq jáne óńiraralyq deń­geıde Baıqońyr qalasynyń jer telimderin paıdalaný týraly másele sheshimin tapqanyn aıtty. Oblystyń aýmaǵyn ulǵaıtyp, Syrdarııa ózeniniń sol jaǵalaýyn ıgerý, ondaǵy jer telimderin bólý jumystary da sheshilgen. Semınarda basqa da ózgerister týraly sóz boldy. Máselen, zań bu­zýshylyqtar kartasyn jasaqtaý, kedendik jáne salyqtyq zańnamany jeńildetý, óndiriske ınvestısııa tartý sııaqty taqyryptar da nazardan tys qalǵan joq. Erjan BAITILES, «Egemen Qazaqstan». QYZYLORDA.