Indonezııada terakt uıymdastyrǵan kúdiktiler ustaldy

ASTANA. 12 qańtar. Indonezııanyń Bandýng qalasynda jańa jyl qarsańyna taman terakt uıymdastyrdy degen kúdikpen polısııa qyzmetkerleri úsh adamdy tutqynǵa aldy. Bul týraly TASS aqparat agenttigine silteme jasaǵan egemen.kz tilshisi habarlady. «Ustalǵan kúdiktiler Jakartanyń soltústiginde antıterrorıstik jumystary kezinde jáne de Bandýng qalasynda nazarymyzǵa ilikti. Quqyq qorǵaý organynyń qyzmetkerleri olardyń terrorlyq toptarǵa qatysy bar ekenin anyqtady», – deıdi ulttyq polısııa qyzmetiniń basshysy Badrodın Haıtı. Aıta keteıik, 31 jeltoqsan kúni Bandýng qalasynyń ortalyq alańynda jarylys boldy. Belgisiz bireýler qala ákiminiń rezıdensııasyna taıaý mańda avtoturaqta turǵan kóliktiń astyna kúshi az bomba qoıyp ketken. Alaıda, zardap shekkender bolǵan joq. Indonezııanyń arnaıy qyzmetkerleri men polısııa ókilderi Jańa jyl men Rojdestvo merekeleri qarsańynda terakt bolýy múmkin degen sýyt habar alǵan soń, qala ishinde tártip jumystaryn kúsheıtti. Arnaıy jumyldyrylǵan is barysynda, sodyrlyq áreketke barýǵa nıettengen 11 adam qolǵa tústi. Olardyń arasynda ekeýi qalyń toptyń ishinde ózin jaryp jibermek bolǵan. Aıan Ábdýálı. Derek: TASS. Sýret: ntv.ru.