ASTANA. 12 qańtar. Qarýly Kúshterdi jaýyngerlik daıarlyǵynyń joǵary dárejesine keltirý jaqsy dárejede áskerdiń shynaıy jaýyngerlik ázirligin kórsetedi. 2016 oqý jylynda jasalǵan alǵashqy oqý dabyly áskerlerdiń jaýyngerlik daıarlyǵyn kórsetti. Bul týraly egemen.kz tilshisi habarlady.
«Biz jeke quramdy habardar etý, jınaý, belgilengen aýdandarda quramalar men bólimderdiń oqý-jaýyngerlik tapsyrmalardy oryndaýynan bastap suraqtardy pysyqtadyq. Atalǵan sabaqtarǵa 40 myńnan asa adam tartyldy, 1 500-den astam birlik qarý-jaraq pen áskerı tehnıka shyǵaryldy. Jeke quram jańa oqý kezeńine degen daıarlyǵy men ázirligin pash etti. 2016 jyly basqarý organdarymen, «Shyǵys», «Astana» óńirlik qolbasshylyqtarynyń quramalary jáne bólimderimen, Aeroutqyr áskerlerimen «Aıbalta-2016» iri aýqymdy oqý-jattyǵý ótkizýdi josparlap otyrmyz. Josparymyzda kóptegen oqý-jattyǵýlar men praktıkalyq sabaqtar bar», dedi QR QK Qurlyq áskerleri bas qolbasshysynyń birinshi orynbasary – QR QK QÁ Bas shtabynyń bastyǵy general-maıor Ádilbek Aldabergenov.
Sonymen birge jaýyngerlik ázirliktiń joǵary dárejesine keltirý kezinde Áýe qorǵanysy kúshteriniń quramynan jaýyngerlik kezekshilikti atqaratyn kúshter men quraldar áýege kóterildi, ártúrli tıptegi avıasııalyq tehnıka qozǵaltqyshtarynyń iske qosylýy júzege asyryldy, qosalqy áýeaılaqtar paıdalanýǵa daıyndaldy.
«QR QK-niń túri retinde Áýe qorǵanysy kúshteri taktıkalyq-arnaıy sabaqtarǵa qatysty. Barlyq áskerı bólimder men bólimsheler tartyldy. Jattyqtyrý úderisinde habardar etýdi, ÁShQQ jaýyngerlik eseptoptar avıasııasy ekıpajdarynyń úılesýin pysyqtadyq», dedi QR QK ÁQK bas qolbasshysynyń jaýyngerlik daıarlyq jónindegi orynbasary – bas basqarma bastyǵynyń mindetin ýaqytsha atqarýshy polkovnık Igor Svırıdov.
Korablge qarsy, áýege qarsy jáne sýastyǵa qarsy-dıversııalyq qorǵanys boıynsha oqý tapsyrmalaryn pysyqtaý úshin teńizge Áskerı-teńiz kúshteriniń korablderi shyǵaryldy. «Jeke quram Bas shtabtyń qoıǵan tapsyrmalaryn oryndady. Baılanys júıeleri, basqarý pýnktteri aqaýsyz. Áskerı-teńiz kúshterindegi jaýyngerlik ázirliktiń joǵary dárejesine keltirý qorytyndysyna dán rızamyz», dep túsindirdi QR QK ÁTK Bas shtabynyń bastyǵy 1-dárejeli kapıtan Qaıyrgeldi Eseneev.
2016 jylǵa qatysty ol jaýyngerlik kezekshilikti atqarýǵa, korablderdi, kúshter men quraldardy daıyndaýǵa erekshe nazar aýdarylatynyn atap ótti. Sondaı-aq, bıylǵy jyly Qazaqstannyń Áskerı-teńiz kúshterinde mańyzdy oqıǵa bolmaq. Iаǵnı, korablder arsenaly jańa jaýyngerlik birlikpen tolyǵady dep kútilýde.
Bıylǵy jyly QR QK-de áskerı qyzmetshilerdiń jaýyngerlik daıarlyǵyna asa mán beriledi. Bul rette jaıaý áskerlerimiz, áskreı teńizshilerimiz ben áskerı ushqyshtarymyz Armııalyq halyqaralyq oıyndarǵa qatysatynyn aıta ketken jón. Áskerlerde osynaý iri halyqaralyq deńgeıdegi saıysqa daıyndyq bastalyp ta ketti.
Dastan Kenjalın.
Derek, sýret: Qazaqstan Respýblıkasy Qorǵanys mınıstrligi.
