«Shahterdiń» fýtbolshysy shańyraq kótermekshi

QARAǴANDY. 12 qańtar. «О́zbek baıysa tam salady...» degen. Al qaraǵandylyq «Shahter» fýtbol klýbynyń oıynshysy, bolgarııalyq legıoner Plamen Dımov úılenbekshi. Bul týraly egemen.kz tilshisi habarlady. Demek, Dımovtyń «Shahterden» alyp júrgen jalaqysy jaman bolmaǵany ǵoı! Fýtbolshy Blagovesta Sakova esimdi boıjetkenge óziniń sezimin jańa jyldyń túninde jetkizipti. Saǵat tili túngi 12-ni kórsetip, aınala tarsyldap otshashýlar atylyp jatqanda ol qalyńdyǵynyń aldyna tizerleı otyra qalyp, «eki jarty bir bútin» bolsaq degen usynysyn aıtqan. Jıyrmanyń beseýindegi Plamen Dımov ótken maýsymdy «Qaısar» komandasynyń quramynda bastaǵan bolatyn. Eki oıynǵa qatysyp, bir goldyń avtory atanǵan. Al jazǵa salym fýtbolshy «Shahterdi» tańdap, klýbpen kelisimshartqa otyrdy. Komanda quramynda 10 ret jasyl alańǵa shyǵyp, eki gol soqqan. Fýtbolshynyń tańdaǵan qalyńdyǵy 24 jastaǵy Blagovesta Sakova óz elinde bıshi, model, kınoaktrısa («Konan-varvar» fılminde epızodtyq róldi somdaǵan) retinde tanymal. Al, shyndap kelgende, arý qyzdyń «ataǵy» bolgarlyq «Pleıboı», «Maksıma» jýrnaldarynda, sondaı-aq nemis «Pleıboıynyń» erotıkalyq kúntizbesinde túsken ashyq-shashyq sýretterimen shyqqan. Jas kelinniń Qaraǵandyda turar-turmasy belgisiz. Biraq ta Dımov osy jaqta dop teýip júrer bolsa, túbi bir at shaldyrary anyq... Qaırat Ábildınov. Derek: egemen.kz. Sýret: newstaraz.kz.