Búgin elimizdiń birqatar óńirinde jel kúsheıip, burqasyn bolady

ASTANA. 16 qańtar. Búgin elimizdiń birqatar óńirinde aýa raıy jaýyn-shashynsyz bolady. Al batysta atmosferalyq fronttardyń ótýine baılanysty turaqsyz aýa raıy saqtalady. Keı jerlerde qar jaýyp, burqasyn bolady. Bul týraly Qazgıdrometke silteme jasaǵan egemen.kz tilshisi habarlady. Keı óńirlerde tuman túsip, kóktaıǵaq bolady. Sondaı-aq, jeldiń uıytqýy kúsheıedi. Ońtústik Qazaqstan, Mańǵystaý, Aqtóbe, Shyǵys Qazaqstan oblystarynyń keı jerlerinde tuman bolady. Sondaı-aq, Ońtústik Qazaqstan oblysynda sekýndyna 15-20 metr jyldamdyqpen jel soǵady. Atyraý, Qyzylorda oblysynyń keı jerlerinde tumandy aýa raıy tirkelip, kóktaıǵaq bolady. Syr óńirinde jeldiń jyldamdyǵy sekýndyna 15-20 metrge jetedi. Sonymen qatar, Aqmola, Qostanaı, Qaraǵandy oblystarynyń keı jerlerinde de tuman basyp, burqasyn bolady. Jel 15-20 m/s jyldamdyqpen soǵady dep boljanýda. Qostanaı jáne Qaraǵandy oblystarynyń keı jerlerinde kóktaıǵaq bolady. Soltústik Qazaqstan oblysynyń keı aımaqtarynda burqasyn bolyp, kúndiz jel – 15-20 m/s, al keı jerlerde 25 m/s jyldamdyqpen soǵady. Al Jambyl, Almaty oblystarynyń keı jerlerinde kóktaıǵaq bolyp, jel ekpini 15-20 m/s-qa deıin jetedi. Kúndiz Jambyl oblysynda jel 23 m/s jyldamdyqpen soqsa, keı jerlerde tuman túsedi. Batys Qazaqstan oblysynyń keı jerlerin tuman basyp, jaıaý burqasyn bolady. Elaman Qońyr. Derek: Qazgıdromet. Sýret: ntv.ru.